Notes
"EMMAU LAMPI"
Luke 24:13-35
Easter Sunday program zanga Toupa bekhawm saptuam mite na vek ua tungah kipahthu gen in sihna apan thounawnta i hondampa Jesu Khrist min in kon na welcome hi.
2012 in Thounawnta chih thupi a zangin Numei hanhawhte kikhek dinga sawl a omna thu uh i genta uhi: gingta ding, midangte hilhsawn ding, leh kipak dingin.
Tuni'n hankhuk lam en lou phot in Emmau Lampi a thiltung enle'ng chin "Emmau Lampi" chih thupi din ka hon tel hi.
Hiai thupi a i lutma in Thohnawnna Chetna (Evidence) bang nei i hi hiam chih i gen zual ding:
1) han vuak (empty tomb)
2) Kilakna (appearance)
Emmau lampi a thiltung poimawh mahmah tuni a kon taklat nopte:
1) Jesu tanchin kikupna (v.14-15). Thohnawn ni a Emmau zuan a pai gingtu mi nihte'n Jesu Khrist tanchin gen in kikum uhi. Tuni'n eite'n bangthu gen noppen, theih noppen in i nei ua?
2) Dahna (sadness) v.17-Huan, a kiang uah, Pai kawm a na genkhawm uh bang thu ahia? a chi a. Huan, dah takin a ding kinken ta ua. hiai mi nihte tuh Jesu tawh kisai in dah mahmah uhi. Bangziak a dah ahi au? Bang dahpih ahi ua? A lamet bangua thil hongpai louh ziak ahi- Lamet banglou (v.21a- Kou Israelte tanpa ding ahih ka lametet utoh,,,,) Lamet a batlouh ziakin bangzah vei na lungkia in na dah ngeita a?
3) Jesu Tanchin theihchetna (vv.25-27- Huan, aman a kiang uah, Mi haite aw, Jawlneite thugen tengteng gintak thu-a ngongte aw: Khrist in huai thilte thuak in a thupina a a lut ding ahi ka hia? a chi a. Huan, Mosi leh Jawlneite tengteng a pan in, Laisiangthou tengteng a amah tanchin gelh peuhmah amai a hilhchian jel hi). Jesu mahmah in vahilhchian ahihman in Jesu (Messia) Tanchin tuh ahiding bangbang in theichian uhi. Hiai theihchetna in Jesu ngainatna piangsak hi (v.29). Amauten Jesu khou in zankhua a ompih dingin chial uhi.
4) Theihpihna (vv.33,35- Huan, huai laitakin a thou ua, Jerusalem khua ah a kiknawn ua, sawm leh khatte leh a lawmte om khawm a mu a...Huan amau leng lampi a thil hongtung leh tanghou a balkhap-a a mel a na theih takdante uh a hilh sam uh). Theih bangbang, muh bangbang piaksawn, hilhsawn utna nei in Jerusalem a kilehkik in gingtu dangte kiangah a thiltuah uh gensawn uhi. Hiai in sharing leh fellowship nuamtak piangsak hi.
Tunin, thounawn Jesu tawh kisai na theichian hiam? Theihchetna in kipahna leh lungmuanna tun in midangte tawh kipawl khawmna nuam tun hi. Tuabang dingin Toupa'n hon ompih chiat hen aw..
