Notes
(Missionary Day 2013 was observed on May 5, 2013 at EBCC Delhi, where the actual day falls on May 7, 2013 for the EBC Church.)
MISSIONS NASEPNA
1 Peter 2:9-12
Dr. Joseph Hong, Director, Southeast Asea Pacific, Wycliff Bible Translator International, in Pathian tuh 'Mission Pathian' ahi, achi hi. Pathian missions a lunglut chihna lel hilou Missions tuh Pathian hihna (attribute) ahi, chi hi. Huaiziakin, Missions Nasepna tuh Saptuam te nna hilou in Pathian a' ahi a, Pathian in huai Amah hihna a hon telsak (include) ahi zaw hi, chi hi. Missions Nasep zawh ding saptuam te tup lianpen ahi zenzen kei a, misisons nasep zawh ding tuh Pathian khut a om ahi zaw. Saptuam te' tup lianpen tuh Pathian biak (worship) ding ahi, chi hi.
EBC Missions Manual ah chiangtakin hichin kigelh hi- EBC in a hih ding poimawhpen tuh Pathian biak leh phat ahi, huan, tup leh ngim a aneih khatna Missionary nasep ahi gige.
MISSIONS NASEPNA ichih chiangin eipawl in mission field a nasepna i hisak deuh uh abang hi. Tuamah leng i theihsiamna dan uh ahi.
Huchihlaiin, Missions Nasepna in a tuun khak theih tuh thil nih in a hilhchet theih hi-
(1) Proclamation= puanzakna (2) Witnessing= theihpihna
Missions nasepna ah hiai gel a tawn khawm tawn tung ahi uhi. Puanzakna leng theihpihna ahi a, theihpihna leng puanzakna chikhat ahi zel hi.
1 Pet. 2:9 na ah puanzakna (declares/proclaims) tuh gingtute tengteng nna ding ahihdan kigen hi. Huchi ahihleh, misisons nasepna tuh gingtute khempeuh aa ahi chihna ahi. na genkhiak thawh hia, na hinpih thawh lel hia, na hihna bangbang tuh missions nasepna a hongsuak hi.
Huchi in, eimah khawm a pan i lak chiat lai un, haksatna tampi tawh mi tuam leh gamla deuh a vakuankhia te bang nakpitakin thilpiak leh thumna in i hanthawn thei lai uhi.
Toupa'n nang leh kei misisonary dingin hon deih hi. Tuni'n na kiman na hiam, sanggam!
