Notes
THE DIVINE FATHERHOOD
June 16, 2013 at EBCC Delhi
Text: Deut. 10:17-18, Sam 68:5, 2 Kor. 6:18
Pathian in "PA" ahihna bangchin a langsak a?
1. Israelte adia Nam Pa ahihna ah- Exo. 4:22
Judate adingin Pathian tuh a Nam Pa (Father of the Nation) uh ahi. OT hunlaiin Pathian in Pa ahihna mimal tungah kilangsak nailou hi. Juda Nam pumpi adia Pa ahihna tungtawn in mite'n Pathian Pa ahihna theithei lel uhi.
2. Jesu Khrist adia Pa ahihna ah- mun tamtak leh hun tamtakah Jesu'n Pathian tuh Ka Pa, Pa aw, Pa chiin sam hi. Pa-Tapa kikal thu Jesu leh vantunga Pathian kikal ah muh theih in om hi.
3. Jesu Khrist gingtute adia Pa ahihna ah- Jesu kia adia Pa hilou in Jesu Khrist gingtute tengteng adingin Pathian tuh Pa ahi. Abba Pa...(Rom. 8:14-16) chiin i sam theita hi, Ta hihna piak ihihtak man in. Jesu mahmah in leng Ka Pa uh van a om...(Mat. 6:9) chi a thum ding in nungzuite sinsak hi.
Pathian' Pa hihna tuh Israel nam ah, Jesu Khrist toh kjkal ah leh gingtute leh Pathian kalah chiantaka muh theih in om hi. Hiai in Pathian tuh gingtu loute huam kha theilou hi. Jesu'n nungzuite kiang a Ka Pa uh van a om chi a thum dia a sinsak lai in, amah gingloute kiangah Noute Pa Daibol ahi chi hi. Pathian Pa a neilou khawvel ah mi tam mahmah ding hi.
Hiai Pathian "PA" ahihna nang bangchin na theisiam a, bangchin na tuakkha in na chianta a, chihte kidot tuak mahmah hi. Pathian' tate ihihna uah bang thilte tungtawn in PA ahihna i theithei ale-
Itna Pathian ahi, Pathian ginom ahi, hehpih thei Pathian ahi, siangthou Pathian ahi, vengbittu Pathian ahi, taksap petu Pathian ahi, lametna tuntu Pathian ahi, hangsanna petu Pathian ahi, sinsaktu Pathian ahi, kipahna tuntu Pathian ahi, thuakzohna petu Pathian ahi.....
Pathian PA ahihna tamtakte thil thum i khaikhawmsak ding-
1. Lametna Pathian- lamet neilou ihihlaiin Pathian a tapa Jesu ah lamet ding hon pia hi. Tuni'n khawvel a lametna koihte hilou in Pathiant uh i lametna uh ahi.
2. Kipahna Pathian- Pathian dante tuh i kipahna a hongsuakta.
3. Kimuanna & Hangsanna- eimah kimuanna apan Pathian muanna ah kinga ni, Pathian min a hangsantaka khawvel i mualsuah theihna dingin.
Toupa'n Pate hon vualzawl chiat henla, pate tungtawn in inkuante hon khamuan hen.
