Hattak leh Hangtak in om in

HATTAK LEH HANGTAK IN OM IN

- i/c Music & WT
www.ebccdelhi.org

A tunga thu Mosi sih khit nunga Kanan gam zou diing a kisakkholh hun a Joshua kianga thutung ahi. A ban I sim leh, “…lau ke’nla, lunglel sam ke’n” cih te’n zom suk hi. Hiai Laisiangthou Thu, Pasian kammal apan tha la in, biakna kikhop zinglam leh nitaklam ‘bial khen a hong om di’ enkhawm/ bawhzui khawm le’ng ci in dang ngeilou Kumpi Jesu Khrist min in I kicial hi. Thubul lam va suutkiik zual tale’ng.

1.     EBC (huailai a ECC Delhi) pawlpi, biakinn luah a kikhopna masapen nisim 14.03.1993 in Green Park Free Church ah neih ahi. Kikhop hun 1-2pm (suntang-lai). Tualsung saptuam pastor bei a na kikem tou, a hunbi hongkim in EBC HQ in Rev Paukhanmang honsawl. Rev Mang loplutna kikhop nisim 12.02.1995 in Free Church, Green Park ah om (1-2pm). Ebenezer!

2.     I geel leh ngaihtuah sanga thupi zaw a honpi Pa’n, Delhi khawpi ah biakbuuk lamna di mun honpia. EBCC Chapel (Plot No. 16, Pocket 6, Nasirpur) honna Rev Kham Kho Lun (huai lai-a Executive Secretary, EBC) in nisim 11.11.2000 in nei; 12.12.2000 apan tua I biakinn uh kikhopna-a zat touh ahi. Hallelujah!

3. Kumtawn Suangpi| EBCC Delhi 20^th Anniversary Souvenir| peek 20 apan laakkhiak, heutute mengmuhna (vision): Saptuam plan leh policy diing ngaihtuahna in sub-committee kibawl a, amau’ report/ recommendations TBSUC in a pom dungzui in, 2010 apan kum 5 sung in EBCC Delhi pen Local Saptuam khat kia kinawnlou in EBC HQ bial khenna dan a Division khat a hongsuah poimawhta kha diing hi. Tua diing in Bial Upate panlaakna tawh National Capital Territory of Delhi huamsung a om Saptuam member te hiai anuai-a bangin Local Saptuam 5 (five) tan in khenzak theih diing bang hi:-

(i) EBCC Delhi HQ Church (South-West Delhi, tua I neih pen);

(ii) EBCC Central Delhi (Gole Market, Minto Road, Gulabi Bagh, Motia Khan, etc.);

(iii) EBCC Delhi South-East (Pushp Vihar, Saket, Faridabad, etc.);

(iv) EBCC Delhi Trans-Jamuna (Ghaziabad, Mayur Vihar, etc.); leh

(v) EBCC Delhi North Delhi (Students’ Chapel).

4. Heutute mengmuhna apan pialkhe lua hituan lou in, a tunga taklat 3 (ii), (iv) & (v) tuunkha EBCC Delhi biakna 2na “EBCC Central Delhi” BM Gange Girl’s Senior Secondary School, Rajniwas Mark ah April 25, 2010 in TOUPA’N hon patpih. Praise the LORD! Tua hunlai a member masa zah na thei ut hia? KS, p. 21 a kiciamtehdan in, innkuan 20 hu leh milip 130 vel banah sinlai leh sepna nei single mi bangzahhiam lel ahi. Hiai tualsung saptuam dingthak kem di’n HQ a heutute honsawl, Rev Kamzamuan nisim 22.07.2011 in Delhi hongtung. Nuam. Tua malam teng, 25.04.2010 akipan, Pastor Lian in EBCC Delhi/ HQ Church leh EBCC Central Delhi kipezou takin enkol khawm hi.

5. EBCC Delhi ah kiiknawn le. Local saptuam a kahiang tuamtuamte’n lungsim mun khat pu, A’ Khut muanhuai-a I hong kikemsak kawma TOUPA’ deihdan I zonkhawm ciang un TOUPA’N A’ mite hongveh, Nipini sim 11am kikhop ah mi kidimleet neinei sek. A tom in, Upa vaihawmte’n Nipini biakna kikhop zinglam leh nitaklam hon patpihta uhi (2.30pm/ 4pm service, w.e.f. 15.02.2015). Zinglam laplah deuh hiam, a.k.l. zinglam man zoulou kuate hiam adi’a hunlemtang hong kipan tuh ahi peuhmah hi.

5.1          Tatsatlou a 11am leh 4pm biakna kikhop sutzop touh a om a, TOUPA hoihna leh muanhuaina lam tuamtuam a muh ahihlai in 11am a kikhawm mi biakinn a dimleet ngei in dim tazen a, nitaklam kikhawm ahihleh tam hetlou tangpi hi! Hiai tungtang Upa vaihawmte’n TOUPA kiang tuna bangzahvei hiam a genkhawm nung un chipchial deuh a enzui di’n sub-committee phuan in om. Tua Sub-committee recommendations Upa vaihawmte’n ngun taka a veelkhawm nung un zinglam leh nitaklam biakna kikhop pen ‘bial khen diing’ hong tukha hi – Suahlam Bial leh Tumlam Bial. Gamgi khenna a zat di “Africa Avenue–Aruna Asaf Ali Marg”. Area thak di te sunga member om di’a tuat rough statistics hiai anuai-a bang hi:-

6. Heutute mengmuhna para 3 (iii) a kigen [EBCC Delhi South-East (Pushp Vihar, Saket, Faridabad, etc.)] leh EBCC Delhi HQ Church tu-le-tu a Bial khen diing hong tukha, a kizuul sim ci aw. Hicitan hon makaihtu TOUPA ahi. Amen? Khrist Jesu a lamtouh “Saptuam (Church), misi khaw kulh kongkhakte’n a zawhlouh uh ahi. Amah bel, suangpi kipna tawh leng genteh ahi. Bukimlouhna khawvel a khawsa I hihlai in, Jesu Khrist ah bukimna om. Jesu Khrist bel muhtheih saptuamte kingakna suangphum (foundation) ahive.

7. Innkuan 20 hu leh milip 130 vel banah sinlai leh sepna nei single mi bangzahhiam tawh EBCC Central Delhi (Gole Market, Minto Road, Gulabi Bagh, Motia Khan, Ghaziabad, Noida, Mayur Vihar, etc.) April 2010 a hon na patpih, Pastor honpe zom a, A’ muanhuaina leh hoihna - a’ innpi lam hi’n a inn tuankhe lam hitaleh hon musak ngitnget I biak Pa Siangthou (Pasian) in EBCC Delhi/ HQ Church maban honpii zom zel ngei di. Nang na up a, ke’n ka up a, Amah khut muanhuai a I kikepsak ciat peuh uh leh. Heutupa Lianding (Child Co-ordinator) tawh zaila khat awikhawm dih ni.

Ka vai khempeuh Nang kiang k’on ap,
Na thu bang zel in honpi in
Pathian hat leh hoih Nang na hi
Bangteng sang lianzaw na hi Toupa.

……..

21.08.2015