“Nang aa ka hih hon ngilhsak ke’n, ka Mang Jesu, Na hinna in hon hingsak in; Damlai gamdai a ka zin sung in, Ka kalsuan bangkim Nang thu hita hen” Cih chu Evangelistic Program (EP) zangzou Sande Skul (SS) naupangte leh sinsaktute’ thumna la khat a hong hita. Tutan TOUPA’N honpii!
Year Plan, 2010 a tel “naupangte laka hotdamna cialpi (EP) hunseh zat di” cih, Kha Siangthou ompihna giktak tawh Oct 8 & 9, neih zawh ahita, Praise the Lord! Tua nung, Oct 17 SS kaitawp/Tuailai Day program zawh in SS Sinsaktute’n tutkhawmna (Toupa’ deihdan zonkhawmna) kinei thei hi. “EP banah bang? Kum beima, Oct – Dec 31 kikal, bang hih dia TOUPA’N hondeih ahi diing?” Thumkhawmna tungtawna honglang, atom in: (i) Annual outing fellowship, Nov kha a kinei sek pen sports mood deuh in, BCD ‘Sports Day (SD)’ (Nov 6); (ii) Annual Day-cum-Prize Distribution program, picingte kikhop hun in (Nov 28, basement hall ah); (iii) Final Exam, Nov 14/ Annual Day, Nov 28 zat zawh nung in zong basement ah SS naupangte activities tuamtuam neihpih theih bang neihpih zomtouh hihen, Christ(mas) vaidawn dia kisakkholhna, etc.
Awle, Children’s outing fellowship kici Khristian Sinsakmi in a recommend laka tel, Nov 1999 kum a Toupa’n hon patpih ahi. Outing fellowship masa Lodhi Garden ah kizang hi. Aban, kumsik/kumtenga kineitou thei in, aneu-lian ngaklah hunseh khat ahong hita! Tua bang SS class room paw-lam a TOUPA min a nu-le-pa, sinsaktute, leh naupangte’n hun i zatkhawm nainai hon pankhesaktu (motivating force behind) bel Sam 19: 1 ahi – “Vante’n Pasian thupidan a theisak ua; huihkhua liantak in A’ khutsuak a sulang hi.”
Park or Garden lian huntawk tak ah i hong paikhawm liailiai ua, dakkual dandan in tunglam i hon en tuh; e khai, TOUPA leh A’ thilsiamte, thupi in etlawm lua hi! Leitung leh a sunga thil om tengteng TOUPA aa ahi a; khawvel leh a sunga tengteng tawh (Sam 24:1) Wow! Kum 10 nung in (1999-2010), BCD outing fellowship apan BCD “Sports Day (SD)” honggin cia’n, LST akipan mah in kibulphuhna hong lang hi. Tua bel – “For bodily exercise profits a little, but godliness is profitable for all things, having promise of the life that now is and of that which is to come” (1 Tim 4:8, NKJV). Paite laisiangthou ah, “Pumpi kithuzawhna ahihleh a phatuam zek a...Pasian limsakna i cih thil tengteng ah a phatuam hi.” ‘Thil tengteng a phatuam’ cih theih “Pasian limsakna” ahi. ‘Pasian limsakna’ leh “pumpi kithuzawhna” a tonkhawm cia’n a bukim in a etlawm, Pasian limsakna (Pasian tawisanna) tellou bodily exercise (or excellence in life) ngot zaw bukimloudeuh ahi. I hih peuhmah khaatna/ thangpaihna/ hazatna panglou, itna ziak kia-a hih; TOUPA min thupina diing ngimna in – leh, Pasian kianga kipahthu gen kawm zel in – aw (ref. 1 Kor 10: 31-33, Kol 3:17).
EBCC Chapel, Nasirpur to Netaji Subhas Sports Complex, Jasola hon zomkhawmtu, Nov 6 BCD Sports Day ngaklah thei dia A hehpihna hon tangsak, TOUPA ei di’n hoihna e! Mahni gari kineih vek nailou i hihna uah, gari kineih a, (anei nailou)innsak-innkhangte kankuah/ angvan thei nu-le-pa i om sek uh NUAM lua. Himai. Gingtu masate omdan & khawsakdan, ei tulai gingtute khawsak didan a TOUPA hon lamet le ahi-him a (Nas 3: 44-47). Selah. Julie Ackerman Link in hici’n a ci: “Just as a bird is never bigger than a mountain, no problem is ever bigger than God. It’s all a matter of changing our perspective.” Waka... waka... this time for Baptist children! May the lovely Lord JESUS, our Superhero during the EP-2010, be our Guide during the SD too, and years ahead! (October 31,2010)
