YOUNG COUPLE SEMINAR ON PARENTING
  |
Ani : 24.03.2012 (Kiginni).
Ahun : 10.30am to 4.00pm.
Amun : EBCC Biakinn, Nasirpur, Dwarka.
Resource Persons: Rev. Dr. Ginneithang & Nu Ching Ngaihte.
Hun zatdan taangpi anuai a bang ahi:-
First Session : 10.30am – 1.00pm
Hun patna in phatna la - “Toupa a Siangthou” leh “Innsung Maitam” - chih te sakkhawmna kinei. Tua zoh in Pastor Nenglian in Laisiangthou (Philipite 2:1-4) simkhiakna nei in resource person te mailahna a neih ban ah hiai seminar hong piankhiak dan tomkim a genna (keynote address) nei. Aman a genna ah heutute a kipan tukum bullam a India hong pha di ahih dan uh zak a aom akipan amaute toh hun zatkhawm di lunggulhhuai sakna Saptuam heutute’n nei in a kigen khawm chiang in atawpna ah hiai seminar neih diing hong piang a, tu in ataktak a panthei dinmun a i om man in Pathian tung leh heutute tung ah i kipaak mahmah, chi hi. Tua zoh in Pastor chialna bang in Pastor Kamzamuan, Local Pastor, EBCC Central Delhi in Pathian kiang ah thumna nei.
Rev. Dr. Ginneithang in hun hon la in self–introduction leh missionary nasepna a aki patkhiak ua pan tuni tan a a ministry uh tomkim a suutna nei a, tua zoh in Nu Ching Ngaihte in amau innkuan putlaakna tomkim nei hi. Tua zoh in Rev. Dr. Ginneithang in seminar hun masa (1st Session) la hi.
TOPIC : “A Good Couple : Building Christian Family”
Hiai hun ah Rev. Dr. Ginneithang in innkuan kipatna bel Laisiangthou thupiak (mandate) ahi chi hi. Genesis ah Pathian in pasal leh numei pumkhat suak ding, gah suang a pung ding leh enkoltu hiding in thu pia in Amah batna nei in bawl hi, chi hi. Tua ahih man in inkuan(family) adin Toupa tuh apantu(starter), avaaktu(provider) leh akembittu(protector) ahi. Huaiziakin pasal leh zi kizopna tuh Khris a kibulphuh ahih ding ahi, chi. Aban a genna ah innkuan life cycle tuamtuam om ahih dan, i.e., formative phase, expansionary phase, completion of expansionary phase, necessary phase, completion of necessary phase leh final phase, genchetna nei hi. Tua ban ah tulai a i omna mun zil a Khristian innkuan te’n challenge i tuah tuamtuam te uh suutna nei a, huai te tuh cultural challenges, impact of globalization, integration of multi–cultures leh paradigm shifts te ahi uh chi. Hiai tungtang a genchetna ah nu leh pa te i khankhiakna leh i ta te uh khankhiakna mun leh thil omzia kilamdang petmah ahih man in iki bulphuhna bang hi hiam (Indian values, Western values or Biblical values) chih ichian mahmah kul hi. Huaiziakin Bible hon kawkmuh(Biblical values) dan a innkuan kibulphuhna kiptak neih a poimoh pen ahi, chi. Tua ban ah ‘Concept of family’ a genna ah kitenna om dan tak - marriage between man and woman, permanence of marriage, sanctity of marriage, independence or interdependence chih te pansan in suutna nei.
Nu Ching Ngaihte in Genesis 2:22-24 pansan in nupa kitenna i chih in bang teng huapkha a bang teng tuun hiam chih nguntak a suutna nei. Aman a genna ah kitenna in adjustment, sharing, purpose for life, most wonderful commitment for life, giving and sharing for romantic relationship, intimate relationship based on honesty, trust, respect, faithfulness and forgiveness, love to enjoy togetherness, looking at the positive side of things, etc., tuun khawm vek hi, chi.
Session masa khaakna leh annkuang latna thumna Pastor Nenglian in nei.
LUNCH LUNCH LUNCH
Second Session: 1.30pm – 4.00pm
TOPIC : “Leading Children in God’s Way”
Lapitute makaih in “Innsung Maitam” sakkhawmna neih hi a, a zoh in Pastor Nenglian in Pathian kiang a hunte latna thumna nei hi.
Tua khit in Rev. Dr. Ginneithang in hun la in tua Second Session a i thupi uh leng Session masa a toh kizom ahihdan gen in zi leh pasal kizopna, Khris tuh Saptuam’ lutang ahih bang a pasal tuh inkuan lutang ahih dan Laisiangthou (Ephesate 5: 22-32) pansan in suutna nei hi. Tua ban ah nu leh pa ten tate’ tung a i mohpuakna te uh Laisiangthou (Diuteronomi 6:6-9) pansan in suutna nei hi. Aman agenna ah naupangte adia etton taak a om ichih in va gengen, va thuhilh hilh, chih te hi gige lou in i omdan, gamtat, khohei, kizepna in amau te lungsim nakpitak a thunun thei zawtham ahi chi. Tua thamlou in insung a nu leh pa te iki thutuah dan, insung a ithiltaak te tanpha in amaute nasatak a thuzoh thei ahi chi.
Nu Ching Ngaihte in Laisiangthou (Paunakte 22:6) pansan in naupang etkolna leh makaihna ah adjustment bawl di tampi om ahihdan gen. Nu leh pa te tate’ adia ettontaak ihih theih na dia i nupa a ikithutuah kul ahihdan nasatak in gen hi. Tua ban ah nu leh pa te’n tate i poimohngaih (valued) mahmah a, hiai bang a i panpih kul hi, chi:-
i) Listen and try to understand them
ii) Comfort them
iii) Do not preach to them
iv) Give and ask their forgiveness when required
v) Give them physical companionship
vi) Do not punish your child when angry
vii) Give equal affection to all your children
viii) Have sharing friendship with your child/children
ix) Do not judge your child by adult’s standard
x) Treat your children’s friends as welcome visitors
xi) Do not punish your children in front of their friends
xii) Concentrate on your child’s and do not criticize
xiii) Do not lie to your children
xiv) Do not quarrel in front of your child
xv) Do not punish your child when angry
xvi) Do not force your child to study beyond his/her ability/interest.
Dotna & dawnna hun ah Rev. Dr. Ginneithang leh Nu Ching Ngaihte in dotna khenkhat – inkuan a hihkhawm dia hoih sak thil thum gen ding; amau naute’n apianpih pau uh atheih nawnlouh uh tungtang; chih te dawnna bawl uhi.
Tua teng zoh in Pastor Nenglian in Resource Person te, seminar a tel te, tuanvaite, nupi naudon a hong kuan te leh akizang kha kuapeuhmah tung ah Pathian min in kipahthu genna nei in Seminar manphatak a zoh ahi hi.
----------------------------------
Note : 1) Registration bawl zah – 60 couples.
2) A telthei zah – couples – 53 couples and single - 3.
Recorded by-
Upa Thiankhanmuan
Secretary, Ministerial Committee
EBCC Delhi
