Evangelical Baptist Convention nuai a, Baptist Youth Fellowship Central Sub-Committee saina in March 11-13, 2011 sung Singngat EBCC Biakinn ah YOUTH LEADERS FELLOWSHIP & SEMINAR 2011 zat hiding. Hiai hun ah EBC saptuam khochih apan tuailai makai hunkhop kihel diing ua, Thugenna Rev K Kamchinkhup, Director of Ministries, EBC, Rev S Ginmalsawm, DS Singngat Division leh Upa L Vungzamuan, Youth Co-ordinator te’n nei diing uhi.
Hiai hunsung in Tuailai 2010 a SEMINAR neih hun a presentation-te a booklet a tuunkhawm, BYF Khangthu leh t2010 report tuanna Tuailai Taumual kichi honna om diing hi. Hiai booklet ahihleh duhthusam tak a kaihkhawm, Tuailai 87, Tuailai 90, Tuailai 95, Tuailai-Missions 2000 leh Tuailai 2005 a kizatna leh nasepte eukhiak tamlou chiat gawmkhawm, Tuailai 2010 Report- limlak bukim tak toh kithuah a bawl ahi. March 13, 2011 a kipan in bu khat ah Rs. 200/- (zanih) in khochih ah copy leitheih ta diing hi.
Delhi ah t2010 lai a advance booking bawlte a diing BYF Committee-te kiang ah ngahtheih din mansa in omta a, advance booking hilou, a copy a lei nuamte’n leng amau kiang mah ah leitheih diing.
KTZ March 2011 Issue extract:
BYF Leaders' Fellowship: "Toupa a kihihhat" (Isai 40:30-31) chih thupi zang in, March 11-13, 2011 sung BYF Central Sub-committee makaihna in Singngat ah tualsung BYF committee a pang teng in thusinkhawmna neih ding kisawm hi. Vaigam khawpi Saptuamte hong telthei ding aom leh kingai mahmah a, himahleh lampaiman tawmlou hial ahihman in baihlamlou ding ahi chih phawkpih ahi. Division sung a om tualsung Saptuam akipante ahihleh telngei dia lamet ahia, a telding zah theihna ding in response form kibawl hi. Tualsung Saptuam makai ding kitel kum ahih ziakin kum thum sunga ding heutu hihna lenthakte kithuahkhawmna leh Toupa a kihihhat tuahna hun ngaipoimoh chiat ding in a kisaipihte i kingen hi.
BYF Leaders' Fellowship Program Tangpi:
* Biakna kikhop hun 4vei om dia, thugen dingte: Rev K Kamchinkhup, Director of Ministries; Rev S Ginmalsawm DS Singngat Div.; Upa L Vungzamuan Youth Coordinator.
* Devotional Talk 2vei om dinga, pitu dingte: Mr Khamchin Tunglut Music Promoter leh Mr Lianding Guite Child Coordinator.
* Consultation and Discussion hun 1vei om ding a, pitu dingte: Director of Ministries leh Youth Coordinator ten makaih ding.
* Seminar hun 1vei om dia, pitu ding: DS Singngat in "The importance of Model Leader" chih thupi zang in makaih ding.
* EBC Central Choir ten Biakna kikhop teng ah Praise and Worship makaih ding uh a, Musical Nite 1vei kinei ding leng makaih ding uhi.
* "Tuailai Taumual" kichi laibu honna leh Pathian kiang a latna om dinga Tuailai 2010 Program Department in makaih ding. Tuailai Taumual in a tuunkhak hiaite ahi: Tuailai 2010 report leh lemlakte, Tuailai khawmpi masate etkikna, kum 45 sung BYF tanchin etkikna, Saptuam mun poimohte advertisement leh a dangdang.
* Program patni in Jumble sale om ding a, van kiman petmah ding ahihman in grand sale chih in om ding hi.
* BYF Leaders' Fellowship Program zat sungin tuailai makaite kinaihsemna neih ding ngimna in item tuamtuam om ding hi.
Tuhun a dingin tulkuan bang mahleh heutu leh laisiam masa tampite pianna leh hong pawtkhiakna mun uh Singngat khawpi ahi. I gam leh Saptuam makai mi tampite adia vualzawlna kipatna mun, tuailai heutu khat hisamte adia hoh ngeingei nading mun ahi. Pathian vualzawlna tang ding in tua mun ah kimu chiat ni, March 11-13, 2011 sung na calendar ah chiamteh.
