EBCC Delhi in Pathian’ vualzawlna lam tuamtuam ah kitang zel a, huaite lak ah thutak gen ding Pathian' mizat tuamtuam, hun tuamtuam ah, a ziak tuamtuam nei a Delhi hong zin bang, a omsate bang kizangkha thei zel hi. Pathian’ mizat mahmah khualzin kinei zelzelte - akhen EBC Hq a heutuliante bang, organization/denomination dang a Pathian mizatte hi uhi.
Pathian’ vualzawlna mi tuamtuam apan i na tan zelte’n saptuam member-te ahun bang zel a tha thak, etdan thak guan mahmah hi a theih ahi. Saptuam dang, gindan kibatpihte toh kitanauna leng bawlhoihtuam mahmah a theih leng ahi. Khopi a om, kal khat a khatvei kikhawm chi a, amau hun neih sunsun bang leng deihkhophuai hetlouh ding ahih lai a, hiai bang hun lemtang om chiang a, amau hun a na pesawn, a na zangsak ngam Pastor te leng thupigen uh i sa a, saptuam mite a deihsakna uh chiamteh tham ching mahmah hi.
