EBCC Delhi Year Calendar (2023) a tuang, Namdang Pasal Nei Nute/ Deihtuam NUTE Tawh Thumkhawmna, “A itna in tangtawn daih ahi” (Sam 136:1) chih thupi pansan in EBCC Delhi Conference Hall (basement) ah Kiginni, 22 April 2023 in hunzek manpha tak zat ahi. Hiai hun zatna Pastor T Lamkhanthang in makaih hi.
Hiai ni Nute apan kipulakna leh gennop genna hun om. Thupi pansan a houlimna, Pastor (Dr.) Suankhanhau Gualnam in zang, Nute tha piakna leh amau adi’a thumsakna Upa H Kam Suanthang makaih in zat ahi. A’ ompihna deihhuai tawh, chimlou taka hon zang zousak TOUPA min phat hang. Hallelujah!
Deihtuam NU 28 vel paikhawm di’a lamet lak ah Nu 17 (sawm-le-sagih) te tel thei uh. TOUPA hoih hi. Paikhawm dang - MC (Ministerial Committee) apan mi 05, TBDC apan mi 08, WT apan mi 03, leh MT apan 01 (cameraman). Paikhawm teng, 30 val. Program zat hun sung in TOUPA ompihna kitang mahmah. Amah thupina i pia hi. Limlakte, link kipia ah muh theih. https://ebccdelhi.org/resources/1/photo-gallery/3230-namdang-pasalnei-nute-toh-fellowship-22-april-2023.html A telte kampau khenkhat anuai ah, all for His glory!
# Tuni program nuam law-tel, vaisaite, pastorte, upate, dorca te, tuailai te kuapeuh mah tung ah ka kipak law-tel. Hichibang program mel muhkhak ka lamet hetlou hinapi a, lawhching tak a zatzawh hita. Toupa phat ni, a chitna in zaw tangtawn daih mah hi.
# Milak a ding ngeilou i vadin chi’a le lungsim a om teng bang beivek zel a. Tuni introduction bang ka gen khit a ka nu leh pa min gen di mangngilh theptup chih khawng maimai hi. Nuam law-tel... hun sau lam le kitheilou. Very uplifting. Pastor-te leh Upate hon thumsakna mahmah manpha lua. Ka lungsim a om mahmah, hun bichilh ziakin ka gen kha kei a; Daniel leh a lawmte, Pathian theiloute lak a a omdan uh honglang lua hi (Dan 1: 8).
# Tuni hun manphatak hon sawm heutute, na vek ua tung ah kipak. An bang limtak hon nesak zaw-mah lai.
# Tuni chu hon duat lua unchin. An lah dorka/ nute’n hon saisak uh. Praise & Worship te’n laa honpi sak unchin, media team te’n lim nalh taktak honla zaw-mah uh maw.. Upate hon support di’a om unchin.. HALLELUIJAH. PRAISE HIS NAME.
