Pate’ Ni Message by BCD
- Ka nu sung a ka om apan in kei a ding in nahon thumsak gige a, kei a ding in lei leh van vualzawlna hoihpenpen nahon ngetsak gige a kakipak hi Pa.
- Na anglum ah naungek kahih apan nahon pom a, na khut a honlen in keimah khe a ding dingdan honsinsak in, khovel maituah ding dan nahon chiil hi. Ka puk chiang in nahon phongzel a, ka bah chiang in thathak nahon guan a, na ban in nahon len gige hi.
- Ka lungkiat chiang in na hanthawnna kammal nemtak in tha nahon guan a, ka lungkham chiang in nahon khamuan a, ka khitui nahon nulhulsak zel hi. Na anglum kei a ding in khamuanna ahi a, na kammal nemtak te keia ding in damna ahi.
- Pa, keia ding in na manpha lua. Pa, na tung ah kakipak lua.
- Kei a dingin khovel a hoihpen leh manphapen nahon deihsak gige a, ka kipahna ding ahihnakleh gim leh tawl khawksalou in na pang gige hi.
- Dik leh diklou theisiam ding in nahon sinsak a, diklou lampi ka zuihkhak hun in lamdik ah nahon pii zel hi. Kamdam a nahon thuhilhna te keia ding in suangmantam sangin a thupi zo a, na taihilhna kammal te keia ding in a manpha hi.
- Pa, kei a ding in na thupi lua. Pa, na tung ah kakipak lua.
- Kei a dia siit neilou a nahon iitna tungtawn in Jesu Khrist iitna nahon langsak a, tangtawn hinna lampi ah nahon pi hi.
- Pathian deihdan hinkhua zang dingin hon sinsak laizel in aw Pa.
- Pa, naupang kahihziak in keia dia hoihzaw ding na gel te ka theihsiamlouh hun a omzel ding, huchibang hun in leng dohzohna toh hon kem zel in aw.
- Pa, thumanglou a, na tung a ka khelh hun in hon taihilh zom zel aw.
- Ka hong khanglian dia, nang sang a pil kisazaw a kahong om hun a hong om kha ding, huai hun inleng dohzoutak in hon enkol inla, lamdik ah honpi zel in aw Pa.
- Pa, tunitan a natung a ka hihkhelh khak tengteng na ngaihdamna kahon ngen hi.
- Khovel mitmuh leh Pathian mitmut a naupang etlawm, Pa’ kipahna ta hiding in hon sinsak inla, kei a ding in tawplou in hon thumsak zel in aw Pa.
- Kei’ di’n na manpha lua hi Pa.
- Na tung ah kipak lua ing.
- Toupa’n hon vualzawl gige hen.
- Naupang thupina a pate uh ahi (Paunakte 17:6b)
Happy Father’s Day
