“Khovel a addict theih tuamtuam tampite’ lakah Pathian thu addict mah nuam kasa pen” Pastor Lawrence Gangte, Regional Secretary, IEM-North India.
Nipini paita (06/11/2011) in TBMC vaisaina nuai ah “Mission Sunday 2011” program poimoh tak zatin om hi. Biakna kikhop hun ngeina sangin hiai program zat hun sung sawt zaw tham (dakkal khat vela sawt zaw) hinapi chimtak hetlou in ki zang hi. Saptuam milipte’n Mission nasepna awlmoh ihi chih latsakna hun ahihbanah tua ding mah a khat leh khat kihanthawn tuahna hun ahihman in manpha khawl diak hi. Hiai program zatna ah Pa Vumsuan, Chairman TBMC pitu in pang hi. Phatkhawmna hun ah pitute makaih in Misison nasem dinga Toupa’ hon sapna leh tua nna sem dinga kipiakna late lungsim tawng apan nuamtakin kisa khawm hi. Hiai hunzatna a thil poimoh bangzah hiam omte lakah tamlou i taklang ding.
Missionary Report (1)- Missionary nasepna toh kisai, IEM tungtawn a North India lama nasepna, report Pastor Lawrence Gangte apan ngaihkhiak in om hi. Aman kum 26 sung vingveng mahni deihna banga hiai khovel noptalna a a hinkhua akizat nunga, leh amah pianna Pa mahmah in leng amah a lamet ding a neih nawn louh nunga, khalam pianthakna tanga Pathian nna fulltime a sem dia sapna ngah ahihdan gen a, mite lungsim zou mahmah hi. Tulel in North India mun khenkhat ah mite ki hong mahmah uh a, Pathian Kha in nasem lel lel hi. Gingthak mi Toupa’n hon piak zel banah, Toupa a dia sihngam a pang ding bang hong om in, Tangthupha puanzakna lamzangtakin paitou jel hi. Project tuamtuam, hostel leh leadership training chihte telin, tu’n sai in om lel lel hi. Aman,“Toupa gam nasepna ah haksa lua chi- a gen ding ka thei kei” chi hi.
Missionary Report (2)- Muslim mite laka Missionary nasepna report Evan Paul Pauzakham apan ngaihkhiak in om hi. Haksatna tampite’lakah Toupa ompihna tangin lamzangin sem tou thei jel hi. Tuni chiangin Toupa’n mi muanhuai khenkhat leh seppih theih ding pawl khenkhat pia in amaute toh kithuah in Tangthupha puanzakna nna sem uhi. Aman, “Toupa gam nasepna nak noplua in nakpitakin kithalawp huai hi”chi hi. Tulel a M’CAT nuai a nasepna banah tununga kuahiam missionary nasem nuam peuhmah kithuahpihna –practical training- piak ding dan gel in om lel lel chi hi.
Visual Presentation- EBC Missionary nasepna tomkim Power-point Presentation hun ah EBC Mission Field te hong kipatdan leh tulela nna akisep dan tangpite limlak toh thuah a lahna om hi. Toupa’n hiai Mission Field a nasepna tungtawna Khamangthang a hon piakte’n lungsim sungah kipahna gen vuallouh hon guan hi. EBC kia in i sepna field-te banah pawl dang toh kithuah a i sepnate leng bangzah hiam taklat in om uhi.
Thugenna- Thugenna hun ah Rev G Kamzamuan, Pastor EBCC Central Delhi, apan Luka 5: 17-20 & Marka 5:13 pansan in Khamangthang khat hotkhiakna dinga hauhsakna (Sum leh pai) tampi sen ngai ahihdan bang, Mi jaw khat hihdamna dinga mipite’pankhawmna thupi dan bang, leh Khamangthang hotdamna dinga Jesu thilhihtheihna chihte chiangtaka gen in om hi.
Feedback tomkim:
- Mission nasepna lunglut huai leh kithalop huai mah ahi chih theihthakna hon pai
- Thumna leh thilpiak a i pan nate thawn lou ahi chih chet in om a, kisuuk a panlak thak poimoh sakna lian mahmah
- Mite’n Toupa nasepna mah nuam sapen uh ahi chih muh theih in om a, Toupa min a kalsuanna peuhmah lunggulh pen a neih ding deihna hong lian
- Hun kidaihlou lua a, biakna hun leh report (kikupna) hun tuam khen a zat utna hon pia
- Mission field leh partnership a seppihte toh kisai information kim zaw lunggulhna lianpi hon pia
- Toupa min a i kizatna om sunsunte manpha mahmah ahi, chih leh, Toupa gam nna sem thei lai hampha lua kisakna hon pia hi
Program limlakte hiai ah ettheih ding.
Visual Presentation hiai ah download theih (.ppsx file | 10MB).
Visual Presentation slides te hiai anuai ah ettheih ding.
{gallery}mission-sunday-2011{/gallery}
