Pathian piina leh makaihna ziak in tuni chiang dong covid19 hiipi ziak in natna thuak om zeuhzeuh mahleh hang sihna hial thuak tadihlou a Pathian venna i tan man un Pathian min i phat hi. March 15, 2020 a Biakinn a Pathian biakkhawmna i neih uh ban tuni chiang biakkawmna nei theilou a i om nung un, India Government in biakna munte June 8, 2020 apan hon theihta ding chih thupuan bawl hi. Biakna munte hon theih ding chih himahleh a lompi a paikhawm a biakkhawmna nei theinailou ding ihih man un (as per “SOP on Preventive Measures to Contain Spread Of Covid-19 In Religious Places/Places Of Worship,” released by Govt. of India, MoHFW on June 04, 2020) thuthak om nawn ma hiai anuai abang in Baikinn hon ahi chih i kizaksak hi:
- June 14, 2020 akipat in Biakinn hon hita ding hi.
- Nipini teng in Zinglam 1100 hours apat Nitaklam 1600 hours tan hon ahi ding hi.
- Government deihna bang in social distancing zuih ahi ding ahi a, face mask thuah ngeingei ding ahi.
- Biakinn hoh ding peuhmahte body temperature etkhiak ahi ding hi. Biakinn kong ah Hand Sanitizer koih ahi ding a, Biakinn a lut ding peuhmah in khut silsiang ding ahi.
- Jesu in, “Ka inn thumna in a chi ding uh” (Mat. 21:12a) achih bang in Biakinn ah Inkuan/mimal a Pathian toh kithuahna hun (devotion) nei ut kuapeuh hiai hun sunga, amau lemtan bang in a va naih theih ding uhi.
- Mipi biakkhawmna program bawl hinailou phot ding ahihman in inkuan/mimal kuapeuh Biakinn hoh dingte mimal lemtan hun a hoh ding ahi.
- Biakinn sung ah khat vei thu in atam pen mi 50 tan lut ding ahi a, 50 sang a a tam zawk ding leh mun lem khat a kingak zel ding ahi.
- Biakinn hoh dingte midang leng ana om kha ding ahih man un pilvangtak a gamta ding leh Caretaker (+91 – 9870564388) thuzak masa thei leng hoih ding hi.
- Taksa upat kum 65 tung lam, mi damkol, numei naupai lai, leh naupang kum 10 nuailam-te Biakinn phalou phot ding a nget ahi.
- Thilpiak pe nuamte a ding in Biakinn sung ah bawm a om ding a huai ah khiak ding ahi.
- Online tungtawn a Biakna pen ngeina bang in apai tou zel ding hi.
PASTOR G KHANKHAM
PASTOR THUAMMINLIAN GUITE
Chairmen, Ministerial Committee
Evangelical Baptist Convention Church Delhi
