EASTER SUNDAY: A THAWHNAWNNA KOPPIH IN
By- Upa Chinsum
Jesu Khrist thawhnawnna koppih mi sang tampite’n leitung maikaih a Easter Sunday (24.04.2011) zat ahihlai in EBCC Delhi in zong program gelsa banga zangthei, phetlou (program a tellou) – ‘report’ tomkim Lia Muani Tombing of Rhema for Asia akipan omthei sawnsawn. Toupa hoih hi.
Program kipatma in biakinn sung tutna akim ciangphial dim ngal in, praise & worship team in la sak a mipite hon makaih zawh un balcony leh kong hulliap a tutna om teng dimta hi. Program ahihleh zinglam dak 11 geih in pat ahi. Praise & worship leader te’ piina in ‘Hatlou in ka hat ci hen...’ cih la tawh biakna leh phatna pattouh hi a; lateelte sakkhawmna leh mimal kilatkhiakna (thumkhawmna) kizomtou a, Usher te’n thilpiak kaihkhawmna neizui uh. Thilpiak kaihkhawm sung in TOUPA phatna la – Tg Sonlal leh a’ naunu, BYF lapawl, BDF lapawl leh TBSUC lapawl ngaihkhiak zom ziahziah ahi.
Rev Nenglian, Local Pastor in paikhawmte leh 1st timer te Jesu Khrist min in vaidawnna nei a, tua khit in BCD sinsaktu a sawtlou (Jan-June 2010) hong pangkha (tua Rhema for Asia, Andhra Pradesh a seem) Lia Muani, M.Div. mailahna nei in a vasepna tawh kisai report saulou pe di’n hamphatna pia hi. Muani in, sep di kaam thum Bible seminary mun nih a lecturer post leh tua a seplel mu ton a, tua laka Dalit nam (khedap buhdan le thei nailou, ekbuuk cih zong nei nailou)te laka sep diing Toupa sapna/ deihna hi’a a theih ziaka Rhema for Asia orgn na teel ahihdan leh a sepna a Toupa ompihna tang zom tou zel ahihdan tomkim in gen. Muani sepna tawh kisai, khenkhat www.rhemaresidentialschool.blogspot.com ah mutheih.
‘Thawhnawnna thilpiakte’ cih thupi pansan a Pastor tungtawna message hongpai in ngaikhia micihte hinna lawng hi’a theih ahi (pansan 1 Kor 15: 12-20). Thugen zakna apanin ei Khristiante ginna leh lamette thawnlou leh ataktak ahihdan taklat in om a, i ginna uh ‘theory’ mai hilou, kingakna kiptak nei leh zuaulou ahihdan theihcet deuhdeuh in om hi. Han vuak (empty tomb) ana om ziak mai a Jesu thounawn hidia gingtate kihilou a, a thounawn Jesu Khrist tawh hun zangkhawm ngekngek, leh tua thawhnawnna thilhihtheihna koppih nungzuite leh mi tuamtuam te apan cetna (evidence/ proof) om ahihdan Pastor hon genkhiakte’n Khristian upna tungnun dan honphawksak seemseem, kipahhuai e!
Saptuam website, http://ebccdelhi.org or ah Pastor sermon te, tu Easter Sunday a tel in, koih sek hi’a (ngaikhe di’n I kideihsak), tua ban ah, limlak tuamtuam et diing hunkhop zong om nalai hi. Nuam. Toupa thupha!
