A nuam tengteng manpha vek lou a, a manpha teng zong na nuam vek khollou uhi. Nov. 4 & 5, 2017 (Kiginni & Nipini) Adopted Worship Event (AWE), EBCC Delhi biakinn a Cityview Church, Vancouver, Canada apan sanggam te tawh kizang ahihleh hun nuam & manpha tonkhawm khat ahi, I ci thei. TOUPA’N thupina tang hen!
Phamta Upa (Dr.) K. Hilkham’ tapa Sgmp Lalpi Guite, Worship Pastor, Cityview Baptist Church, Vancouver, Canada in Nov kha bul a a’ lawmte tawh India hongzin a saptuamte adi'a piakkhiak theihte hong piakkhiak di lunglut uh ahihdan TBSUC heutute zasak hi. Tua pen Ministerial Comtt. (MC) etzui di'n piaksawn in om; MC in program bawlna lam teng Pastor te khut ah nga.
Pastor te'n Saptuam sunga Worship Team i/c, Media Team i/c leh TBYF makaite huam (involve) tou, TOUPA cial kawm zel in Nov 4 & 5 - AWE hunzek hon bawlkhia ua; thupi in kizang manpha lua hi. Pastors’ Prayer Fellowship-Delhi nuai a saptuam/ kipawlkhawmte chialna kilawm tak paisak ahihlai in, Nov 4 ni Khuado pawi leh NE Choral Compt. sai ni hong hikha! Tua in tel ngeingei di'a kithawi mi bangzahhiamte tua lam a kal suansak in amaute adi’n “AWE” tel lemtanglou suak hi.
Ahizong TOUPA a hoih a, Hun masa, 1.00PM-2.30PM “Workshop on Worship Leading” hun ah biakna pawl tuamtuam apan mi 50 vel kipaikhawm a, Sinsakna/lasakna Pastor Lalpi apan om ban ah, testimony/ message genna saulou tuak Communicator & Lead Pastor Trevor Josh, leh Skilled Handy-man (Founder of Hernandez Contracting Firm) Sgmp. Eduardo Hernandez te'n nei uhi.
Pastor Lalpi'n amah kithuahpih di'n EBCC Delhi a musician suanhuai 3 (Pa Siam T Paite, Tg Stevekid Sonmuan Valte & Tg Muansiam Naulak)te man... Amah laphuah bangzahhiam leh mipite’ zuih theih di laate sa in honpi ua, nuam in hinna chawm lua hi. PTL! Sound system ahihleh paw-lam apan kikhel @25,000/- per day, ni 2 kizang ahi. Amau sound operator bukim honkeng ngal uhi. Media coverage lam peuhmah Media Team (EBCC Delhi) in feltak in sai in seemkhia uh. Wow!
KIGINNI, dak 1.00 - Workshop on Worship Leading a paikhawm mi 50 velte' tamneem di'n singpi limtak leh biscuits bawl hi a; dak 3.00 - Worship Celebration hun a paikhawmte'n program tha thawhhuai tak a zat zawh un biakinn kong ah i/c Table Ministry leh Caretaker te’n ana buatsaih uh, ei tualsuak thei-semsa (fruit-chat) limtak kine nainai. Nuam.
NIPINI, 11.00AM biakna kikhop ah Pastor Lalpi leh a band te'n biakna & phatna hun kizentak in honpi ua, biakinn kidim zihziah. Lead Pastor Trevor Josh ai’hleh ‘taksa dam louh ziak in’ hong kai theilou. Sgm Eduardo apan’n testimony sharing, Pastor Haupi Tombing tungtawn in (video clipping) ‘Van leh lei siamtu’ laa hong piandan ngaihkhiakna om. Pastor Lalpi apan sharing, h.t. (i) Let us not underestimate God, what God can do (ii) Nek tam na ut leh ne-tawm in (Paite thupil) cih te ngaihsuttham e! A thugen: hiai ah ngaihtheih. 2.00PM kikhop ah Pastor Lalpi leh a band te'n kizentak in honpi nawn ua, laa sak kallak ah Pastor Lalpi apan tangthu tom hinna chawm taktak gen zauh zel. Bro. Eduardo apan in testimony sharing. TOUPA hoih hi!
Report a vagelh kim theihlouh, AWE uaptute'n manpha a sakdakte uh i ngaihkhiak leh, tuate apan a ciang lua khat om; huai bel, Kha Siangthou ompihna kitang pen ahi. Hibang program omzenei sai thei leh a' zintutu a pang kha thei, EBCC Delhi pawlpite hampha lua hang. Tua khempeuh i TOUPA vang ahi. Vanglian TOUPA'N thupina tang in Amah naihseem in nang leh kei honpita hen!
