Hongtung ding December 5-8, 2015 sung EBC Gospel Centenary Hall, New Lamka ah Tuailai 2015 leh BYF Golden Jubilee zat hiding hi.
Hiai hun sung thupi ding in “Khrist in a thuzoh NGAIHTUAHNA” chih zat hiding hi.
1. Tuailai 2015 Muhkholhna (Vision for the Conference)
“KHRIST IN A THUZOH NGAIHTUAHNA”
Tulai khovel ngaihdan tuamtuam huihnungte leh tuate ziak a siatnate apan lamdik tawnthak thei ding a tuailaite ngaihtuahna teng Khrist lam a heidia panlakna.
2. Tuailai 2015 tup leh ngim (Mission for the conference)
“Tuailai 2015 in Jesu Khrist lam a tuailai-te hip a, Thutak leh Ginna a kibulphuh kipsem ding leh, Pathian phatna leh pahtawina uangbawl a, Pathian itna phuankhiatna lunggulhpen a neih ding banah, midangte tawh kithuah a hinkhua kipumpiak a Pathian nasepna a atamtheipen kihelsak ding a thopna piak ding.”
Main Objectives of TUAILAI 2015
- JESU KHRIST theihchet semna tungtawn a lungput KIKHEKNA.
- Pathian THUGENNA tungtawn a Thutak leh Ginna a MUANHUAINA.
- KISINSAKNA tuamtuam pansan a KIHANTHAWNNA.
- PHATNA leh BIAKNA tungtawn a Pathian thupina leh itna PHUANKHIATNA.
- Pathian PHATNA LAA tungtawn a KITHUAHKHAWMNA.
- Khrist NUNGZUI muanhuai hiding a KIPIAKTHAKNA.
- Tanchinhoih THEIHPIHTU muanhuai hiding a KITHOPNA.
3.Khawmpi gahsuah ding a lamette(Expected Outcomes of the Conference):
- Tuailaite hinkhua a Khrist a lianpen leh thuneipen a om tading.
- Tuailai ten Khrist sila (servant) hiding a kilatna leh kipiakthakna nei tading.
- Tuailaite thutak a hing a, ginomna leh diktatna tawh hinkhua zang tading.
- Tualaiten a khovel etdan (Worldview) uh kheng a bangkim a Khrist adia hing tading.
- Tuailaite amau nna leh nekzonna (job & profession) chiat pansan a theihpihtu muanhuai hi tading.
- Tuailaiten numei leh pasal kal thangtatna leh khovel buahna tuamtuamte a pan kikem siangthou tading.
