Tualsung Baptist Dorcas Fellowship kichi, saptuam tungtawn a Toupa gam nasepna a numei tengteng kihelna dia kipawlkhawmna/fellowship, Delhi saptuam ah kum 1994 in kipan hi. Makaitu ding Committee member 15 mipi teel thawh nei in term khat kum 3 ahi. BDF thupi “nasep hoih leh thilpiak hau” chih ahi. Genthei leh tagah, haksa deuhte lam a panpihna khut zak anasep pipen uh ahi. Saptuam phungvuhtu leh khuampi muanhuai mahmah ahi uh.
Nasep tangpite:
- Genthei leh tagah, khosakna a haksa deuhte leh damloute veh a, amaute lam a panpihna khut zak ahi
- Khateng a Kiginni nihna ah kikhopna, Docas Fellowship, manphatak nei gige uhi.
- Saptuam sung bial a khen in, vehna nei zel uhi
- Local sung mi hilou, mundang apan damlou a hongki enkolsak, te veh in panpihna nei zel uhi
- Saptuam member Khristian dan a koppihneite kipahpihna thilpiak pezel uhi
- Saptuam vanzat poimoh tuamtuam, Pastor quarter leh Caretaker quarter a vanzat kuulte tel in, ngaihtuah in kaikhawm jel uhi.
