By - Thuamsiam Ngaihte, Secretary BCD
Tuni Easter Sunday ahihtoh kiton in Baptist Children Department (BCD) te’n le anuamthei pen leh athupi theipen in hun kizang in. Devotion hun nuamtak kinei masa a, huaizoh Heutunu Zo-i in lasakna hon neihpih hi.
Superintendent Pu T. Thangson in Easter Sunday toh kisai naupangte theihsiam di zawng in lunglut huaitak in hongen hi. Easter Sunady eite a ding a phattuamna thu, banghang a easter egg kibawl chihte hongen a, thilpiak leh naupangte hon tawikhom aktuite latna nei in ahun honzou hi.
Naupangte class-wise a tusak in aktui colour na hun nuamtak kizang hi. Naupangte’n amau lungsim aom bangbang in hon colour ua, pahtak huai mahmah uhi.
Tuazoh in nekkhawmna hun kinei a, aktui, chips leh theitui in naupang te atmosphere nuamsak mahmah hi.
Biakinn kaitawp in Biakinn kong a naupangte’n a colour uh aktui Saptuam mipite kiang ngapzahzah a alei ding un kizuak hi. Kuapeuh thupigen na ziakin BCD fund a lut ding sum hunkhop mahmah kimu hi. Saptuam mipi te tung ah lungdam lua ung!
Toupa’ hon ompihna kitang mahmah ahi chih chiamteh ahi.
