Good Friday leh Easter Sunday 2011(Etkikna)
By - L/Upa Ngulminthang
“….. Gim gentheih zatam thuakin nong leimaw! Tangtawn hinna neita’ng, Jesu nang vangin’‘ chih tana bei mailou khristian hinkhua ana omlai ahihdan Pastor message manphatak izachiat uhi. Jesu’n, amah bawlgenthei leh simmoha enghoute thukmai lou hi. ‘Pa aw, amaute ngaidamin, athilhih uh atheikei ua ahi’ chiin ngetsak zaw hi. Huan, hiai bang hun haksa leh lungjinna atuah laiin ahinna leh kha Pa Pathian khutah kikemsak zaw hi. Hiaite, niteng hinkhua a izuih dinga hon nutsiat lampi leh khekhap (foorprint) ahihdan, Good Friday thupuak manpha mahmah hi. Eite’n bang iloh dia? I niteng hinkhua ah, Jesu Khris nawlkhina, Barnaba deihsak zawa kikou kou leh thupukna bawl gige ihihkha hiam. Rev. Ginsianthang in Good Friday sharing hong neih laia athugen, ‘Pathian bangkim hihthei, huai Kalvari mual leng bawlpa, bangziaka huai mualtunga zahlak huaitaka hongsih ngai ahia? achihpen dawnna, ‘nang leh kei etton leh zuih ding, kiniamkhiakna leh itna lampi honbawl ahihdan Good Friday message tungtawnin hong kilang thak hi.
Huaiziakin, Good Friday programme pen hiai la toh khin leng ichi hi:
“……Gamlapi mualtungah, mellawmlou kros a om; Thuakna leh zumhuaina genna hi……..Tua mellawmlou kros in kei di’n hipna lamdang(special attraction) anei hi; Tua kros di’n ka muanhuai gige ding; Zumna, engbawlna nuamin thuak ning.” Nuam leh kipaktakin ithuakngam taktak na diam?
Easter Sunday: Pastor in thohnawnna thilpiakte hon gen tungtawnin, ei khristiante ginna leh lamette thawnlou leh ataktak om ahihdan kichiantakin hon taklang hi. Iginna kingakna kiptak nei leh juaulou ahihdan theihchetna in, kipahna leh lungmuanna athakin honguan hi. Kipah huai e, Pastor; Easter message in ginna kichetna thak honpia a hiai bang huna saptuamte’n iphatmoh pen uh ann hingei dingin leng lamen ing! Hiai hun hong uapkha, Pathian gamna sem unaute Ms. Muanii from REMA Asia, Mr Muangboi, teacher Koinania Bible College, Pune, mundang apan upate etc. leh sharing izakten honcho mahmah hi. Amaute Biakna huna ilak ua hongtel chiangun, kihanthawntuahna ahia, manpha mahmah hi. Worship teamte kipiakzohna leh thumna toh telkhiak late sak a nuama, lungtang honsukha late isak chiangin nuamin, ibiakna hingsaktuan mahmah hia phawkin om. Hats off to Worship Team!
Alehlamah, Palm Sunday, Good Friday hi’n Easter Sunday hitaleh, biakna mun niha ineihnung inleng, Pathian vualjawlna in biakin kai kitamthei mahmaha, asung leh pua kidim gige mai hi. Gamla taktaka apan hongkuan unau tamtakte tutna leh muntangzoulou tamtak omlai hi. Huan, ami kiphu motmot mai ihih ziakin, table ministry ichihte leh khat-le-khat interaction ilunggulhte bang leng quality tak neihtheih hilou bang hi. Hiai bang ‘positive problem’ ituahte solution a om diam! Biakin capacity hihlet or biakna mundang khat patnawn kul? Biakna pen shift niha khen ding, tua dungjuia area demarcation bawlthak di? Hiai bang hunah, saptuam makai hikhate’n bang plan leh vision I neia chih challenging mahmah sa ing. A’hkeh, Pathian vualjawlna a lohching leh khangtoujel hihang, chia nga mai ding idiam?
For Good Friday Photo click here and for Easter Sunday Photo click here.
