T. Pumkhothang
Key E
Nang toh lou in hiai nuaisimlei
Thawmhauna lungngaihna hi,
Kei kiain machiang suanin kapai zoulou,
Tuabang hizong Toupa ngaih aw
Na khutin kei hon lenden a
Nong ompih chian nuamna bukim aom zel
Sakkik:
Nang toh louin Toupa aw,
Nuamna kiching aom theilou,
Nang toh louin lungmuanna a omlou e,
Hon tonpih in hon len in
Simlei ka zinsung in ah
Nang toh louin nuamna bukim a omlou
Nang toh louin ka machiangah,
Lummei bang azing den a,
Nang toh lou in lametnate abei zel a,
Nang toh louin lei pallun zong
Bangmahlou bang lel ahi a,
Lungnaihna leh mangbatna lel ahi zaw
Nang toh louin simlei lungkham,
Thuakzoh ding ahi lou hi
Nang toh louin simlei nunna amial na e
Liamsa ngai ung lungzuan sial ung
Duangvulin ka omzel uh a
Nang toh louin ngaihtam sialna lel ahi
