{s5_mp3}http://ebccdelhi.org/sermon/palmsunday_2015.MP3{/s5_mp3}
PALM SUNDAY
Luka 19:37-38
Jesu, Oliv Mual panga lampi sukpai kipatna hong tun dek takin, nungzui tampi mahmah te’n Jesu’ thillamdang hihte mukhinta ahih man un, a kipak uh a, Pathian phatin a awng zuazua uh a: Toupa’mina hong pai Kumpipa A numnuam hi! Vantung ah lem leeng henla, tungnungpen ah thupina om hen! a chi uhi.
Palm Sunday 2015 zanga hong paikhawm saptuam mipite na vekua tungah kipahthugenin vualzou a Jerusalem lut i hondampa Jesu Khrist leh i Toupa Pathian min it chibai kon buk hi.
Palm Sunday ichih bel Jesu leitung a taksa toh mihinga hong omlai in khatvei, a sih ding kuan in, pahtawina thupitak tanga huai phok gigena a kizang ahi. Bangziaka tum kung (palm tree) toh mekbelh a om hiam chih bel thukpi i va sut kei dinga himahleh tomchik a gen in huai Jesu pahtawia omlai a mipite' pahtawina vanzat khat tumnah ahi.
Huai hun a slogan utuh, HOSANA chih ahi. Huai bel greek expression of joy, praise ahi a, a Hebrew thumal hosan=save, save us kichi apan kilakhia ahi. Huaijiakin, "hon hondam in" chihna inleng a zat theih ding hi.
Mipi huai Hosana chia kikou a awng zuazau te' lungsim a om ding tuh hiai ahi-
- a hun tungta, Pathian in Juda (Israel) te kianga vaihawmna pekik a Kumpi David Kumpitutphah tun ding nawn ding, huai dinga i makai (Hero) tuh hiai mipa (Jesu) hi ding ahi, chih ahi.
- aman Rome sepaihte hawlmang dinga, nam dang te nohdalh dinga Judate ading kumpigam tung ding ding ahi.- Messiah hongtungta hi ding ahi.
Amaute lametna leh Jesu hongpaina san kibang hetlou hi. Jesu'n amaute lamet tangtung sak thei law mahmah ding hinapi'n huai mipite' lamet sukbuchin ding sangin a hong paina san (mission) zoh tuh a tel tinten ahi. Huai bel zahlaktaka Khros tungah kilhden a om ding ahi.
Pharisaite'n bel hazatna ziakin hihlut a tum tinten uh a (Jn.11:47f), mipite kikou a awng zuazua a omlai na ngawn un Jesu kiangah huchilou deuh in dai zawdeuh in hih in, chi uh hile kilawm takin Jesu kiangah na nungzuite khou in, achi uhi. Himahleh, a hun tungta ahihman in Jesu'n hiaite a kikou kei ualeh suangnoute kikou ding uh ahi, chihsan hi.
Bangchi tengin mite'n theikhial in deihkei mahle uh a hun tungta ahihman in Jesu Messia hihna leh Kumpipa hihna tuh puanzakin omta hi.
Hiai thiltung tuh theihkholh louhpi (accidental) a thiltung hilou in hun sawtpek paita apan Jawlneite'n ana genkholh uh ahi
Zakaria 9:9-10
Zion tanu aw, nakpitakin nuam in! Jerusalem aw, awng in! En in, na kumpipa chingkamtakin, Sabiltung tung, sabiltung nou, a talnou tunga tuangin Na kiang ah hong pai. Amah diktat a, hotdamna nei hi. ....ama’n namte kianga lemna phuang ding hi. A ukna, tuipi apan tuipi dong kizalh ding hi.
Hiai declaration (puankhiakna) tuh a kipanpan ahi. Tunung chiangin nam tengteng, mi tengteng leh pau tengteng apan mipi sim senglouh te'n tumnah tawi in kikou zuazua lai ding uhi.
Kilakna 7:9-10
Hiai thilte nungin, ka et leh, gamte, namte, mite, paute apan mi tampi mahmah, kuamah simseng louh ka mu hi. Amaute kumpitutphah mai ah leh Belamnou’mai ah, kumpipuan ngou silhin a ding uh a, khutin tumsing teh hiangte a tawi tek uhi. Amaute aw ngaihtakin a kikou uh a: Hotdamna, Toupa i Pathian Kumpitutphah tunga tupa leh, Belamnoua ahi, a chi uhi.
Hiai thiltung apan i theih dia poimoh mahmah tuh Jesu'n a nna (mission) zoh teitei sawm hi, chih ahi. Bangzahta thuneihna leh thilhihtheihna nei mahleh, mipi tampi'n zui huthut mahle uh, sahkhua maite'n naktakin doudal mahleh uh, a hongpai nasan zoh ding tuh a tel tinten ahi. Huai nna bel a ut huai leh kilop huai ahi hetkei ding, aman le haksa mahmah in Gethsemane huan ah khoul sisan banga tak hial in thumna a nei hi. Nang leh kei banga inkuan nei ahi a, mipite' lametna kong ah leng maban limchitak anei hi. Himahleh, huaite khenlam ah a nna zoh ding tuh a tel tinten ahi.
Huaijiakin, eite'n-
- Jesu lampi toh mah i tot sam ding uh ahi
- Jesu tuh vaihawm ding leh thukhen dia hongpai ahi kei a hondam dia hongpai ahi.
- Pathian thil gel tangtungsak ding in Jesu hong kipumpiak hi.
Tuni'n nang leh ken bang hi hiam i hinsa, niteng a office kai a kha bei chia khaloh lala lel mai ding maw, bangziaka Delhi a pilut a om ihia?
God has a purpose. Huai Pathian tup tangtun ding tuh eite nna ahi.
--------------------
March 29, 2015
