{s5_mp3}http://ebccdelhi.org/sermon/missions_challenge.MP3{/s5_mp3}
MISSIONS CHALLENGE
Marka 5:19: Himahleh Jesu'n a phal keia, a kiangah, Na in ah na lawmte kiangah pai inla Toupa'n nang dia thil a hon hihsak a thupidan leh nang a hon hehpihdan va hilh in, a chi zota a
Jesu leh a nungzuite'n Galili dil galkah a Gerasi'n gam atun tak un dawimat (demon possessed) mi khat in ana tuak masa pah hi. Hiai dawimat pa tuh hanmun (cemetry) leh tangtung khong a om a kikou ongong jel, kuamah in a mat zawh louh ahi. Amah sung apan dawite Jesu'n a hawlkhiaksak a, huai dawite tuh vok sungah lut in a vokte tuh dil ah a tuaklum uhi. Vok neite'n Jesu hehsak in huai gam nuse di'n sawl uhi. Huchia Jesu'n huai gam nusia a Galili lama kiknawn a sawm takin hiai dawimat suakta pa'n zuih a sawm a Jesu kiangah hong kingen hi. Himahleh Jesu'n a phal keia, a kiangah, Na in ah na lawmte kiangah pai inla Toupa'n nang dia thil a hon hihsak a thupidan leh nang a hon hehpihdan va hilh in, a chi zota a.
Missions nasepna ichih pen Pathian in ei a thil thupi a hon hihsakte gensawnna/hilhsawnna/piaksawnna ahi. Koi hiam apan banghiam khat hong om khe luamluam dingdan ahi khol kei ding.
"The Shepherd's Staff" kichi laibu 1997 a ki publish ah "The Ministries of the Church" thil thum in hilhchian hi.
1) Ministry to the Lord: Worship- hiai tuh thumna, phatna, kipahthugenna, leh biakna ahi
2) Ministry to One Another: Service - hiai tuh gingtute'n tan kihawm a nasepna genna ahi a, ushering, Wt, table ministry, prynet, etc. te genna ahi.
3) Ministry to the World: Witness
En "missions" ichih hiai a 3na ahi. Ei sung hilou zawdeuh a tangthupha gensawnna nasepte "missions" ichi uhi. Eisung a nasepna, kikepna leh kha mangthang zonna pen "ministries" ichi uhi. Hiai tegel a telkha lou teng "Institutions" kichi hi.
EBC HQ tungtawn in missions nasepna i sep uh a, missions field chia miloh theih ding tulel in 5 bang i neita hi-
1) Karbi Anglong (Assam)- 1966
2) Manipur field- 1967
3) Nepal field- 1980
4) Arunachal (Tangsa Baptist)- 1987
5) Demaji (Assam)- 2012?
Hiai mission field a semte 2014 record dungzuiin HQ tungtawn a lawh kipia, sepna sente kisiksak, leh EBC worker mi 78 om uh a, a sepna mun ua native worrker leh pawl dang a HQ theihpih/sawlte 106 pha hi. a kigawm in= 184 vel ahi.
Local saptuam te'n misisonary vakna leh missions nasep na dinga thilpiak i piak khawm te uh hiai mission field a sepna a kiseng jel hi. Huaijiakin, misisonary vakna a na pankhak nak leh hiai mission field te a nasepna ah pangkha himai na hi. Lungsim tawng apan Pathian' min thupina dinga Amah apan vualjzawlna na tante, AMah hatna muanga kha tenga sum na piak tuh manpha mahmah ding hi.
2015-16 budget ah HQ in ei saptuam (EBCC Delhi) hiai banga pang dingin hon lamen uhi.
Missionary vakna= 5,00,000,00
Project phungvuhna= 1,00,000,00
Misc. = 50,000,00
1/10 (10%) = 6,00,000,00
____________________________
= 12,50,000,00
Pathian' hatna muangin leh Amah min thupina dingin hiai teng nanana chu pe zou dingin i ki lamen hi. Huaijiakin, tuni a misisonary vakna pledge card hong kihawm pen ina limsak mahmah ding uh ahi. Na panlakna ding zah a tam leh tawm ahi masa kei ding a, na pangkha hiam chih ahi, michih i pan khak vek ding i deihna ahi.
I panlak theihna khenkhat te-
1) thumna
2) Missionary vakna
3) Project phungvuhna
4) Itna thilpiak
5) Taksa mahmah a kuankhiak na
Toupa'n nang dia thil thupi a hon hihsakte bangchi'n na gensawn dia?
Pathian' hon hehpihdante nasep tungtawn bang, thilpiak tungtawn bang, leh thumna tungtawn bangin gensawn ni. Amen.
--------------
March 22, 2015
