Notes
CORRUPTION # SANCTIFICATION
(Heb. 12:14)
Tu Kha, August, 2011, EBC Hq in thupi dia hon tel “Khristian Inkuan”chih ahi a, hiai toh kisai thugenna hun zat dia hoihlua hinapi, tulaia kim leh kianga thiltung thom ngaihmahmah “Corruption” chih hong om man in tua lam gen zaw le’ng chin kong kisa a, Pathian deihdan le’ng hi zaw din i ngaihtuah hi.
Himahleh, “Corruption” chih thupi zanglou zaw in, tua thumal kilehbulh pih “Sanctification=Siangthousakna”chih pen tuni thupi ding hi leh ka chi hi. Hiai thu a i lut ma in “Corruption” thumal toh kisai Bible in bangchi gen hiam chih i en zual ding.
Encyclopaedia Britannica- Corruption is the improper and usually unlawful conduct intended to secure a benefit for oneself or another, which may exists in the form of bribery or extortion. Hiai hih eipawl theihsiam dan toh kituak pen ding abang hi.
Greek- diaphthora= manthatna, khovel thil ( material of the world) leh mihing taksa pumpi (flesh) mangthang mai ding genna ahi.
Hiai Greek thumal zatdan (idea) zuiin Bible ah “corruption” thumal kizang hi. Hiai thumal Bible mun tampi ah aki mu kei a, akizatna sunsunte ah mihing’hihna/dinmun ngeina apan pialmangna, ahihkeileh, dinmun kisia, hihna kisia (corrupted nature) genna in ki zang hi (NT cf. Rom. 8:21, Acts 2:27, 13:35; 1 Cor. 15:42). Ei theihsiam dan leh Bible in hiai thumal a zatdan kibang lou deuh hileh kilawm in a lang hi.
Mihingte Pathian apan khenkhiak a i om apan ihihna ngeina kipuu nawn lou ahihmanin, hihna kisia, dinmun kisia ah ki om hi. Tua hihna kisia apan nna hong kisepkhiak chiangin sum leh pai deihtak luatna bang, system mumal neihlouhna bang, mahni angmasialna bang leh huaihamna bang hongsuak in, tuate midangten hon muhpih/theihpih chiang un, a negupa, a negunu kisuak hi dingdan ahi.
Tua ahihman in, Bible hon sinsak bangin, sum va lepgu sese lou, akan aval leng va la sese loute leng Pathian apan khenkhiak a om, dinmun leh hihna kisia a hing tengteng tuh “Corrupt” ahi veve uh chihna suak hi.
Himahleh, gingtute i hamphatna mahmah uh bel, Jesu Khrist a Pathian toh i hong kizop chiangin, Pathian in i hinkhua honpi a, tua a tunga i gen bang, nek-guuk, taak guuk, na mun apan hon hunkhia jel hi. Chihbel, tua bang nna semkhalou dingin tuabang nna akisepna mun apan hon hunkhia hi.
Sanctification (Siangthousakna):
Alban Douglas in, in justification our standing is changed (siamtansakna ah i dinmun kikhek hi), na chi hi. Tua bangin, amahmah in, in sanctification our character is changed (siangthousakna ah i gamtatdan/nuntakzia kikhek hi), na chi leuleu hi.
Hiai Alban Douglas thugente a dik leh bel, eilak ah siamtansaka om khin napi siangthousakna tangkha lou tampi om le’ng kilawm sak in om mahmah hi. Tua ahihman in, Siangthousakna toh kisai thil poimoh mahmah 4 i en khawm ding uh-
- Siangthousakna tuh Pathian batna ahi. Siangthouna lou in kuamah in Pathian mulou ding hi, chiin Bible in gen hi. Pathian batna neilou te’n Pathian mu ngeilou ding uhi. Bangchi’n Pathian batna i nei thei dia le? Jesu Khrist a Pathian’diktatna nang diktatna a honghih chiangin tua ah Pathian batna na nei ding hi. Mi a pianzia apan leh a gamtat-khohei apan a nu-pa ding theithei hi ve hang, tua bangin, Pathian taten tuh Pathian batna nei ding uhi. Huaiziakin, siangthouna tuh Pathian batna, Pathian muhna ahi (cf. Jn. 17:19)
- Siangthousakna tuh Khasiangthou nasep ahi- eimah in i hinkhua i siangthousak vek theih hi mawk lou in, hon panpihtu tungtawn in i siangthou thei phet ding uhi- amah Khasiangthou ahi. Huai omdan bel, Pathianin na siangthou theihna ding munte ah hon omsak in nna hon semsak ding hi. Hiaiziakin, siangthouna tuh nang leh kei panlak hatna tungtawn a hongpaing ding hi masa lou in, Pathian Khasiangthou panpihna a hong piang ding hi zaw hi (cf. 1 Pet. 1:2)
- Siangthousakna tuh hoih bukimna (abosolute perfection) hilou in, nundan diktatna ahi- hiai a gen bel, moral purity ahi. Siangthousaka omte hoih bukim ding uh chihna hilou zaw in, a nundan uah diktat ding uh ahi chihna hi zaw hi. (cf. Phil. 2:14)
- Siangthousakna tuh Pathian a kinga hinkhua apan piang ahi- Siangthousakna tuh Khasiangthou nasep ahi ichih bangin, Pathian mahmah a kinga hinkhua zatna ah siangthousakna hong om thei phet hi (cf. Nasep. 26:18).
Neekguuk taakguukna leh dunmun/hihna kisia apan kitung ding tou a, siangthousakna hinkhua zang thei chiat dingin, Pathian a kinga hinkhua zang thei chiat dingin, Toupa Pathian in i vek un hon ompih in hon makaih hen aw.
