Notes
KHALAM GALDOUNA (Khristian Galvan)
Eph. 6:10-18
Gingtute khalam galdouna (battlefield/warfare) a ding gige i hi. I doute tuh sa leh sisan neite hilou in khawvel mial tunga thunei ahi.
Salam hinkhua i ki awlmawh mahmah lai in khalam galdouna bangzah in awlmawhna i nei hiam?
Diabol zekhemnate i dou zawh theihna dingin Pahtian galvan kim i zat kul hi. Huaite tuh Pathian in a Tapa Jesu Khrist a ahon piaksa i hi.
Huai galvante tuh-
1) Thutak kawnggak- Khrist Jesu a suahtaakna leh khantawn hinna i ngah hi. Huai mah thutak ma hi kawng a koih gige ding ahi.
2) Diktatna Awmphaw- Rome sepaih in amah kivenna in awmphaw hoih leh khauhtak nei hi. Tua bang in, Pathian’ diktatna Jesu Khruist a latsaka om leh tua Jesu Khrist i ginna (eimah diktatna) tawh ki thuam gige dingte i hi.
3) Lemna Tanchin Hoih- thanuam taka Tanchin Hoih nasep sem a kalsuan jel in.
4) Ginna Lum- Shield- thal meikuang apan kivenbitna hoihpen Lum ahihbangin doute leh hihsetute akipan kivenna dingin Ginna mah muanhuai pen hi.
5) Hotdamna lukhu- thupina leh thuneihna etsakna ahih banah bitna petu Lukhu ahihbangin Jeus Khrist a i hotdamna tuh i ki thupisakna ding omsun, le hi bitna ding omsun ahi.
6) Kha namsau- Pathian thu tuh galdouna ding, galte satna ding vanzat poimawh mahmah ahi.
7) Kha a thumna- Pahtian Kha tawh pankhawmna tuh Kha a Thumna lou in ki ngah lou hi. Thum gige hinkhua leh mahni hamphat nading mai hilou Pathian min thupina ding a thum gige hinkhua zat ding ahi.
Hiai galvante zangin khalam ki douna tuh i dou jel ding uhi. Toupa’n dou zou jel dingin hon pompih chiat hen aw.
