Notes
Cross Message
1 Cor. 1:18- Khros thu zaw mangthang lelte adi'n haina ahi a; eite hotdam lelte adi'n bel Pathian thilhihtheihna ahi.
Khros thu: William Barclay in hichin chi hi.
1) Pathian hun chiam hongtunna thu ahi
2) Jawlneite' genkholhna tangtunna ahi
3) Jesu hinna, sihna leh thawhnawnna ahi
4) Jesu misiangthoute la dia hongpai nawn ding ahi
5) kuapeuh in kisik a ginna a hotdamna san ding kiphamawh hi, chih tuh Khros thu ahi.
Hiai thu tuh mangthang lelte adi'n haina ahi. Mangthang lelte kuate ahi ua?
> Khros thu a gingta nuam lou te (Jn. 3:18)
> Judate leh Greek te
Bangziak a mangthang lelte hi uh ahia?
Judate> Khros (sing) a si tuh Pathian hamsiat ahi (Deut. 21:23). Huaiziakin, Jesu sing a si tuh Messia hi theilou ding, hiai Jesu tuh Messia ahi chih sawm teitei tuh haina ahi. Banah, Judate'n chiamtehna zong uhi (v.22a). Jesu ah chiamtehna mulou uhi. Khros a a khai lai un amah kihih dam a Khros apan kumkhia dingin enghou uhi.
Greek te> Pathian=apatheia=inability to feel=bangmah in a sukkhak theihlouh ahi. Jesu'n nasa, lungkham, gilkial thei ahihman in Pathian hi theilou ding hi. Thu tuh sa a honguska a...(Jn.1:14) sa hongsuak peuhmah tuh Pathian hi theilou ding. Pathian tuh pathian ahih ding ahi. bangmah in a sukbuai theihlouh, natna, gilkialna, lungkhamna chihte a neihlouh ding ahi. Pil mahmah na ah hotdamna om hi, chi'n, pilna kia zong uhi (v.22b).
Huaiziakin, Judate leh Greek te adi'n Khros thu tuh haina lel ahi.
Himahleh, eite, hiotdam lelte adi'n bel Pathian' thilhihtheihna ahi.
hotdam lelte=hotdam sate
Hiai in a gen nop tuh Hotdam sa ihi ua, himahleh i hotdamna pen a paitou lellel lai ahi chih ahi. Khelhngaihdamna (justification) bukim khinta, himahleh niteng hinkhua a sianthousakna (sanctification) leh thupisak a omna (glorification) te tua i tawt lel lel, Jesu hongpai nawn khit a Kumsang Hun akipan bukim sak a om ding genna ahi. Hiai tuh gintute hihna taktak ahi.
