Notes
May 19, 2013
PENTECOST= 50th chihna ahi. Huai tuh Judate' adia Passover apan ni 50 chin ni ahi. Hiai ni in pawi (feast) poimawhtak nei uh a, huai tuh pawltak (buhlak) pawi= feast of harvest ahi. Intertestamental period hun in hiai Pentecost ni tuh Sinai tanga Pathian in Mosi kainga Thusawmpiak a piakna ni in leng zang uhi. Huai ziakin, thukhunthak hun ah hiai Pentecost pen a poimohna hong lian deuhdeuh hi.
Bangziaka Pathian in Khasiangthou piakna (outpouring of the Holy Spirit) dia hiai Pentecost ni tel sese ahia?
1. Judate ni poimawh ahih ziakin. Hiai ni in Jerusalem ah mi tampi hongpaikhawm sek uhi. Huai mipi tampi omkhawm lai a thiltung a ding aToupa'n a deuhna om ahikha ding.
2. Buhlak Pawi ahihziak ahi. Toupa'n khalam buh lak ding tampi om ahihdan a taklat nop ziak ahi ding.
Bangziaka Khasiangthou a thopna gingtute'n poimawh uh ahia?
1. Thilhihtheihna a ngah theihna ding un. Khelhna tunga thuneihna, thawhnawnna thilhihtheihna koppihna, manphataka zang khe thei dinga thilhihtheihna (power) poimawh ahih man un.
2. Huai thilhihtheihna tuh tangthupha puanzakna/ theihpihna ding ahi.
Tuni'n nang leh ken hiai thilhihtheihna (Khasiangthou' thopna) tuh i poimawh mahmah hi.
