Notes
LEMNA KUMPI HONG PIANG
LUKE 2:11-14
v.11-Tuni in nou adingin David khua ah Hondampa a piangta, amah Khris Toupa ahi.
v.12-Huan, hiai nou adingin chiamtehna ding ahi; naungek puana tuam, gan an piakna kuanga lum na mu ding uh, a chi a.
v.13-Huan, angel kiangah van a mipi hon a hong om khawm guih ua, Pathian a phat ua.
v.14-Tungnungpen ah Pathian thupi henla, leitunga a kipahpih mahmah mihingte lakah lemthu leng hen, a chi uhi.
Lemna Kumpi Hong Pianna in Pathian kiang ah THUPINA pia a, leitung a mihingte lakah LEMNA hong tun hi.Tunglam ah Thupina hi a, lei lamah Lemna ahi.
LEMNA (Peace) tuh Pathian' lemna ahi (the Peace of God). Jesu Khrist in a hon piak Lemna leng hiai Pathian' Lemna mah ahi (Jn.14:27). St. Paul in Jesu Khrist tuh i Lemna uh ahi, chi hi (Eph. 2:14). Huaijiakin, hiai lemna tuh Pathian toh kikhen thei lou, Pathian thupina pe gige, ahi.
Tuni'n hiai LEMNA eite' adin bangzahta in manpha hiam!
1) Pathian toh kilemna (Rom. 5:1)
2) Eimah leh Eimah kilemna (Phil. 4:7)
3) Midangte toh kilemna (Rom. 12:18)
Lemna kumpi hong piang in na leh kei' lungtang leh hinna ah lemna hong piangsak thak nawn hen aw.
