THUMASA
Khawpi tuamtuam – Delhi, Mumbai, Bangalore, Chennai, Kolkata, Shillong, etc a om leh khosa te, thupi leh manpha i kisa kholkei maithei. Himahleh, i gam, i nam, i khotang, i saptuam khawng i et vengveng chiangin, khawpi saptuam te asuanhuaipen kihimawk veh aw. Local saptuam chiatchiat dinle, sum-le-pai lama, a neipen i hi chile i khial lawmlawm kei di. Huaiziakin, khawpi lou zawdeuh a omten khawpi saptuam te a honsuang mahmah ua, honna lam-en sang mahmah uh ahi.
Hiai khawng i et chiangin, Delhi saptuam te, a biik in tuailaite, eimah adi kia ngaihtuah lou in, tuailai te midang te adingin chi kawmin, ei sanga haksa leh dinmun niamzaw te panpihtu in pang ni chi ut ihi – a pekhe tu in pang ni.
Zodawn/singtang lam khosakdan I et chiangin, thiltung tuamtuam ziak in, khopi lam a manoh zungzung mai uhi. Himahleh, tamtak khosa tou hamham lai ua, damlouhna nasatak tuah nunga le, sum-le-pai neihlouh ziakin, ki enkol zoulou, hospital le naih zoulou, huai ziak mah a, hinna ana chaan lawh bangle om law mahmah dan hiveh aw. I gam /zogam i chihchih na mun ua gin-om taka ana ngak tute dinmun ahi. Ei khawpi a omten i hamphat lam uh phawkphalou a i om khakdi uh lauhhuai lahlou ahi.
Bangchiin zodawn/singtang a omte i domsang thei dia aw chih i suut chiang in, siamsinna mah hilou hiam chih in a om hi. Huai din siamsinna buuk/institution, skul mah ana poimoh hi.
Skul leng ana om law-tham a, tampi tak om venvon maimah aka. Singtang lama skul te chi nih in ki khen thei hi – Govt. (sorkar) skul leh saptuam (Mission) skul. Govt. skul mahmah tam, aihziaka, a gina khuuk om mahmah lou. Sum lah tam atam mai, a nethei tengin kinek huan maimah.. A semtu leh sum negai tute le kuadang hilou in, eimi mah hive uh aw. Ei-le-ei kine sia.
Mission skul, a biik a EBC Mission skul te i en nawna, sum chu tam hetlou, himahleh, a semtuten chitak leh gin om takin sem kinken maimah uh eive.
Hichi khawng ahong hih ziakin, I Mission skul te kingai poimohlou theilou. Mission skul a siamsinte, tunung leh maban a I gam leh saptuam makai di sekkhetu omsun sun suak mawk ta. Hun paisa leh tuhun a I Officer leh heutu masate Mission skul tungtawn a ana khanglian ngenta ana hi zawmah uhi.
Huaiziakin, I zodawn/gam dinmun, EBCC Delhi a Baptist Youth Fellowship (BYF) in leng ngaikhawk in, BYF meeting 02 April 2009 ni in Singtang lam/zoudawn lama EBC Mission Skul omte panpiha, puahpha leh tunding a ngai le-le tunding na nasep kipat ut in, PROJECT NEHEMIA kichi kipankhia hi. Hiai din, Pathian huhna leh thilhih theihna muang in, hiai project sepsuah-patna din, 01 April 2009 to 31 March 2010 sunga Rs. 1, 00, 000/- (Cheng nuaikhat) muhsuah din Year plan ah kiguang pan hi.
Hiai project pen, EBC HQtrs, Dorcas Hall a Director of Institutions tawh kithuzak a nna kisemkhawm ahi.
SUM MUH KHIAKDAN
Delhi pen BYF area sawm in kikhen a, area leader leh assistant leader din mi bangzah hiam kiseh hi. Area chih a BYF member (tuailai) omteng kiangah, Tuailai Box kihawm in, area leaders ten khateng in Project Nehemia Box kaikhawm gige uhi. Banah, Dwarka a EBCC biakin nunglam ah, Project Nehemia Box (singkuang) kikoih gige a, kiphal dandan in a ut-ut in panpihna vakhe jel uhi.
PROJECT NEHEMIA TUNGTAWN A SEPSUAH TE:
PROJECT NEHEMIA – I (01 April 2009 to 31 March 2010)
Target - Rs. 100, 000/- (Cheng nuaikhat)
| Phase | School panpih | Panpihna piakzah leh piakni | Status |
| Phase-I | CES Tuilakjang Singngat Division | Rs. 24, 400/ 25 May 2009 | Tuilakjang CES school building ki tungding thak a, 16 Dec 2009 in Director of Institution in honna nei. Tun vuahzu daikai nuaiah class lazom thei uh. |
| Phase-II | Daniel English school Behiangjang Singngat Division | Rs. 33, 750/- 04 Nov 2009 | 2010 kum a March kha in huihpi hattak nung a, school building khat pen a mutsia. Ahihziakin, eite pankhawm ziaka kibawl building khatpen pansan in class lathei veve uhi |
| Phase-III | CES Palkhuang Thanlon Division | Rs. 41, 850/ 26 Feb 2010 | A khawmi ten khawsung mah, mundang ah school tuah sawm in panla lel ua, a bawlna pailel hi. |
| Total | Rs. 100, 000/- |
PROJECT NEHEMIA – II (01 April 2010 to 31 December 2010)
Target - Rs. 100, 000/- (Cheng nuaikhat)
Hiai project pen khawlmai deihhuai salou in, Delhi BYF in leng 01 April 2010 apat 31 December 2010) sung tan in, Rs. 100, 000/- (Cheng nuaikhat) mah muhkhiak sawm nawn in, Project Nehemia-II chih minvuah in panla nawn a, anuai a bang in sepsuah lel ahi:
|
Phase |
School panpih |
Panpihna piakzah leh piakni |
Sum zatna/ panpihna ziak |
Status |
|
Phase- I |
Convention English School, Sinzawl Thanlon Division |
Rs. 30,000/- 13 July 2010 |
CES Sinzawl in School recognition ngah nadin School Library leh Science Laboratory poimoh kin. |
School Library bawlnang a Material leh Science Laboratory Instruments di teng, CES Sinjawl in Project tungtawn in leikhin vekta |
|
Phase-II |
Convention English School, Dawltang, Vangai Division |
Rs. 32, 650/- 15 Oct 2010 |
CES Dawltang in school building neilou a, YPA Hall pansan in class la jel uh. School building bawlnang EBC Hqtrs in proposal hon bawl a, cement, sing-at, langva, etc leinang in Rs. 32, 650/- poimoh. |
EBC Hqtrs in proposal ahon piak bang geihin, 15th Oct 2010 in CES Dawltang a skul building bawl nangin, Rs. 32, 650/- kikhak hi. |
|
Phase-III |
CES Ngaljang, Singngat Division |
Rs. 37, 350/- 23 Nov. 2010 |
School’ staff quarter (headmaster luahlel) puahtuak mahmah. Tu in belhtheih nimnem bang mahleh kumthak tuuktui leh huihpite douzou lou ding. Tua ahih manin, tuktui luanma a puahngai ding. Proposal aom bangin, a tawmpen in Rs. 30,000/- beiding |
23 Nov. 2010 in CES Ngaljang a School staff quarter bawlnang in Rs. 37, 350/- EBC Hqtrs ah kikhak nawnta hi. |
|
|
Total |
Rs. 100, 000/- |
|
|
Hiai tan kalsuan thei in i om ua, thupilua .. !!!
Project Nehemia lawhchin nanga ana pangkhate, saptuam mipite tengteng, a biikin, Delhi tuailaite, ka hon ngaisang petmah, na vek ua tuang uah BYF Delhi sik-le-tangin kipahthu kahon gen hi.
Semthei jel ding, pethei jel dingin, i biak Pathian in honvualzawl toujel henla…
Hiai tan honpi i Biak Pathian kia in thupina tang hen aw…
