Mr L Hangminthang (40) S/o L Thangkhovung, Mission Veng, Hiangtam Lamka in nisim 14 Feb 2023 in hon na beisan. Amah sunna hun bial upate makaihna in tua ni mah nitak in PCI (R) biakinn, Munirka ah neih in om hi. Amah unaupa L Khammuanlal, Munirka a om sanggam leng ahi hi. Lusunna tuakte i suunpih mahmah hi.
Pi Khupniang (78) W/o (L) T. Ginzathang, Siloam Veng, Bungmual in nisim 17 Feb 2023 ni in hon na beisan hi. Amah Nu Mankhanning W/o Paukhanlal Tonsing (IGNOU campus) pianna nu ahi. Nu Ning in a luangdam va delh in tua ni mah in Lamka ah ana pai tou in, 20 Feb 2023 ni in hong kik nawn ta hi. Lusuunna tuakte i thuakpih mahmah hi
Peaceful Protest: Nisim 19.02.2023 in Jantar Mantar ah Peaceful Protest lohching takin neih zoh ana hita hi. Jinglam dak 11am apan nitaklam 4:15pm hunsung in mihing 10000 val mahmah, buaina bawl thawm zak di omlou in peaceful petmah hi. Vaisaite felna ziakin paikhawmte gilkial leh dangtak in ki-omlou hi. Security leh volunteer lam le fel mahmah hi. EBCC Delhi leh Central Delhi apan paikhawm leng hoih mahmah a, pastor teng leh upate hunkhop bang le kihel thei in, special item lapawl bang ei kampau la leh sap la sakna bang nei in thupi mahmah hi. I unaupih uh singtang mi dang leng hunkhop mahmah kihel uhi.
Thu kigenkhete leh la kisakhete manpha in, Kris lalgam ahong let semsem di i lamen ahi
ULIAN BIBLE CAMP: EBC HQ vaisaina in Ulian Bible Camp khopi saptuamte a dingin anuai a bang in om ding hi.
1. EBCC Guwahati mun ah date March 6-8, 2023 sung in EBCC Kolkata, Shillong, Dimapur, Diphi, Manja, Kohima-te kigawm a neih hi ding.
2. EBCC Bengaluru mun ah date March 24-26, 2023 sung in EBCC Chennai, Mumbai-te kigawm a neih hi ding.
3. EBCC Delhi mun ah date May 12-14, 2023 sung in Delhi, Central Delhi, Chandigarh-te kigawm a neih hi ding hi.
ZCF THANKSGIVING DAY: 41st ZCF Delhi Annual Thanksgiving Day -2023, tuni 26 Feb 2023 sunning dak 2pm - 4pm in Free Church, Parliament Street, New Delhi ah thupi “Experiencing the presence of God” (Exodus 33:14) toh zatna neih hi ding hi. Hiai hun ah EBCC Delhi-te chialna hon bawl bang un a va uap theite’n va uap siausiau leng i chi ahi. Hiai hun local pastor Pastor Dr Suankhanhau Gualnam makaih in BYF in leng lapawl toh va uap ding uhi.
PASTORTE LAMKA ZIN DING: I pastorte uh Pastor Dr Suankhanhau Gualnam leh Pastor T Lamkhanthang-te jingchiang 27 Feb 2023 in EBC HQ, Dorcas Hall vaisaina a om ding Pastors’ Orientation a tel dingin Lamka zuan in zinkhe ding uhi. March 3, 2023 in Delhi hong tung kik ding uhi.
