Zu le va bang a gammual a vakvai a I omlai in Toupan a itna in hon zongkhia a, lamchi tuamtuam a hon domsang tou in, Delhi khopi a laizil ding leh sepna nei kawm a Amah biakkhawmna neithei ding in hon lam tou a, EBCC Delhi kichi June 21, 1992 a hon phutkhiaksak nung in kum 25 chinna June 21, 2017 galmuh thei in hon koih nalai hi. Halelujah!!!
Hiai Silver Jubilee hun ah Pathian phatna leh kipahthu genna programe, June 21 – 25, 2017 kikal neih kisawm hi. Saptuam memberten zinkhiakna ding I neih leh hiai hun polam ngim ding in I kitheikholsak ahi. Delhi polam a omte leng hiai hun hong zang ding in hon kingai mahmah hi.
Saptuam leh mimal in Toupa hoihna I tante chiamtehna leh genkhiakna ding; ban ah, maban kalsuanna a pilvanna ding, kikawkmuhna ding leh kithuhilhna ding a vanzat hi ding a ngimna in souvenir suahkhiak kisawm hi. Pathian’ hoihna Delhi mun a saptuam, khotang leh mimal mahmah a I tante gelh in pekhawm lehang I chi hi. Article piching hiam, tua sese lou in, paragraph khat lel leng gelh theih ahi hi.
English hiam ei pau a kitheituahte lak a khat pepeuh zang a gelh in April 30, 2017 tan in hiai a nuai a email id (
