Nuai Simlei Ah Kumpi Tampi

Nuai simlei ah kumpi tampi hong piangta hi,
Hizong kumpi Khrist bang hong piang ngei nailou hi;
Van mang' Ta hong piang manglukhu hon khusak di'n,
Thangvan miteng in leng hon kipahpih sam un.

Nunnuam in lungdam ni, van mang’ ta pahtawi ni,
A pianna kipahpi'n leitung zaila'n dim hen;
Van mang' ta hong piang manglukhu hon khusak di'n,
Thangvan miteng in leng hon kipahpih sam un.

Vanmi simseng louhte'n pahtawi la hong sa uh,
Aw kilawm in hon thawn belamchingte'n za uh;
Kumpi Khrist pianna mun teltak in va hilh uh,
A belam uh nusia'n mang chibai va buk uh.

Suahlam mipilte'n zong namtui tawi in zuan uh,
Tung thangvan aksi vak in a ma uh pi zel;
A tun liang Mari’ pomlai naungek va mu uh,
A goubawm uh hong in mang chibai va buk uh.

Kumpi Herod in a theih in lungzinpih hi,
Mipilte hem in dong e, chibai buk nuam in;
Sepaih lauhuai teng khawm Judia gamsung teng ah,
Chibai bukna mulkimhuai pe di’n kuanta uh.

Aw Jesu, tuni’n kou lungsung bawng-inn sung ah,
Hong piang thak nawn in ka tangtawn kumpi ding un;
Ka khut tagah uh Na tun Mari khut hi hen,
Tangtawn in kipak in nunnuam tawntung ta n'ung.