Van Mun Thupi Hehpihna Gam

Van mun thupi hehpihna gam,
Misiangthoute inn ahi;
Amau kiang a na teen theihna'n,
Leitung vante nusia in.

Leitung nite a bei chiang in,
Den chiang in inn nuam sung ah;
Misiangthoute teenna gam ah,
Van inn ah i teeng ding.

Tangtawn inn nuam thupitak a,
Teeng teng innkuan khat hi uh;
Huai inn nuam a teeng sam ding in,
Michih, namchihte chial hi.

Hondampa sihna mun thupi,
Hehpihna thu a gen uh;
Kisakkholh hun ahih lai in,
A itna thu taksang in.

Khatkhat a a paikhiak chiang un,
A kiam uh innkuan kim zong;
It teng ngaih teng khantawn mun ah,
Kim ni chih a om ding hiam?