Mang Pian Ni Lenmual Khumsa

Mang pian ni lenmual khumsa,
A hong tung nawnta;
Bethlehem ngaihna tulsa,
Lungsung ah hong thak nawn;
A kipahpih angelte' lasak,
Ka lungsung ah tam den hi,
Ngilh ni om nawnlou ding.

Tungnungpen ah,Tungnungpen ah
Pathian thupi in om hen;
Tungnungpen ah,Tungnungpen ah
Pathian thupi in om hen;
Amen, Amen;
Pathian thupi in om hen,
Amen.

Aw, nang Bethlehem khopi,
Na etlawm tungtuang;
Na min ngaih vansin nuai ah,
Aw a tul ngeilou ding;
Na sung a van mang vontawi hong piang,
Tun liang Mari in a pom,
A min Immanuel.

Khristmas ni a hong tun chia'n,
Bethlehem ka ngai ;
Muh nuam ve’ng singkhual inn a,
Van mang' vontawi hong piang;
Thangvan aksi vak in hon pi hen,
Bethlehem khua daidam ah;
Lunmang hong piang lawm ding.

Immanuel pahtawi ding',
Mipilte hong pai;
Goumanphate hon tawi in,
Immanuel hong pia;
Ei' hondampa mimbang hong piang hi,
Simlei miteng in pak hen,
Halleluiah, Amen.