Toupa Na kiang Ah Ka Muang Ta Ding

Toupa Na kiang ah ka muang ta ding,
Dahna, lungkhamna kilel lou ding.
Na siang nuam a ka len chia’n,
Damsung khosak buaina haksatna,
Leigim haksatna ka thuakte uh,
Tua mun nuam ah om nawnlou.

Tul ngeilou ding kipahna,
Tul ngeilou ding nunnopna;
Sisan a Na gam chiam,
Tua mun ah ka len hun chia’n,
Tul ngeilou in ka leng ding.

Hun in lenmual khum a liam zel in,
Ka lei nunnate a liampih a;
Theihlouh kal in a bei zel,
Simlei lungnopna ka zonte uh;
Tangtawn lungnopna a ching zoulou,
Na siang kia ah bukim hi.

Vangnei kisa’ng e ka ngaihsut chiang,
Nunnuam kisa’ng e, ka lunggel chiang,
Hon neisakta ka Toupa’n,
Leitung’ buainate’n a sukkhak louh,
Tawntung lungnopna’n a luahna gam,
Ka Toupa vang’ ka neita!