Pialgal Sunni Ka Lailung Ah

Pialgal sunni ka lailung ah a hong taangta,
Ka lungmuan vang a kalsuan in,
Ka gentheihna nopna'n a hong pal,
Pa’ thununna ka thuak mualsuah zoh in.

Pa’ thununna ka thuaklai in,
Khasiat mittui in hon tuum nichin in,
Theisiam ngeikei ve’ng ka pa' hon itna.

Thununna lohlou vangkholai ta lah hilou,
Ka pianna mang' sisan ahi;
Khelh nasem in ka kimang ding hiam?
Tangtawn a gou ding ka mang' nna loungal.

Kei dia ka hinlai in nop ni chih om ngeilou,
Mang Jesu’ hon sapna bang a,
Isak' maitam a ka kilat chiang,
Vualzawlna tuikhuk nopna'n a hong luang.

Mansoul khopi ah zaw mun leh mual ka neilou,
Ka mang Khrist a simmohna uh;
Pua in khua pamlam ah pai ni’ng e,
Salem thak ah mun ka tanglai na ding.

Nang a ka hih hon ngilhsak ke’n, ka mang Jesu,
Na hinna in hon hingsak in;
Damlai gamdai a ka zinsung in,
Ka kalsuan bangkim Nang thu hita hen.