Siangthouna’ng Hun Zang In

Siangthouna’ng hun zang in,
Na Toupa hou in;
Amah ah om inla,
A thu’n kivak in;
Pathian’ tate khawl in,
Hatloute panpih’n;
Bangkim ah muh tum in,
A vualzawlnate.

Siangthouna’ng hun zang in,
Khovel kinoh hi;
Jesu kia khawl inla,
Lungsung mun-guk ah;
Jesu kia en lechin,
Amah na bang ding;
Amah batna nang ah,
Na lawmte’n mu ding.

Siangthouna’ng hun zang in,
Amah kipisak’;
Amah makhelh ke’nla,
Bangteng hong tung zong;
Na nop leh na dah in,
Toupa mah zui in;
Jesu mah en inla,
A thu muanglai in.

Siangthouna’ng hun zang in,
Khamuang in om in;
Na ngaihtuah leh tupna,
A thu in koih in;
A kha’n nang hon pi ding,
Itna tuikhuk ah;
Tua chiang’ A nna sem ding’,
Semtaak na hi ding.