Phat Leh Thuum Hun Nuam Mahmah E

Phat leh thuum hun nuam mahmah e,
Thuumna kigawmkhawm chiang';
Ginna kha tung a va tuang a,
I nop la kahtouh chiang';
Tua hun in thuchiam manphate,
Kitel sem in za hang,
Lei ah lawmte khen mah lehang,
Vantung' kimu kim ding.

Van ah kimukhawm chiat ni e,
Vantung’ kimu kim ding;
Jesu sisan pha ginna in,
Vantung' kimu kim ding.

Eite hong henkhawm itna khau,
Manpha, nuam mahmah e;
Pa' Tapa, Khrist min manpha a,
Eite i kikhop chiang';
Kikhenna hong tung pah lezong,
A thu sung ah kigen-
Lametna manpha: den chiang in,
Vantung' kimu kim ding.

Ahi, i khe gim leh tawlte,
Luigal kai pah ta ding;
Tua ah it leh ngaihte'n hon ngak,
Ni taanna gam nuam ah;
Ni tawmchik lel, kum tawmchik lel,
Huihpi thuaklai lehang;
La ngaih leh lungnop beilou toh,
Vantung' kimu kim ding.