Na Thupina Tampi Kigen

Na thupina tampi kigen,
Kou Pathian khopi Zion;
A thuchiam pel ngeiloupa in,
Ama' tenna'ng hon bawl hi.

Tangtawn suangpi tung a kinga,
Bang in hon lingsak ding hiam?
Hotdamna kulhpi a ki-um,
Gal khempeuh na laukei ding,
Hotdamna kulhpi a ki-um,
Gal khempeuh na laukei ding.

En in, hinna tuite a luang,
Tangtawn itna pan nak nei;
Nangma' tate khempeuh in dawn,
Gilkial, dangtak, lau beisak,

Dangtak khempeuh di'n tua tui luang.
Kuahiam dangtak a bah ding?
Hehpihna A piapa bang in
Tangtawn dong in om den hi.
Hehpihna A piapa bang in
Tangtawn dong in om den hi.

Tua tenna mun khempeuh tung ah,
Meikuang leh meipi kilak;
Vangletna leh bitna ding hi,
Toupa hong ompihna hi.

Sunchin mana hon pia Amah,
I kouh hon dawngpa Amah,
Amah phatna Hosana chih,
A mangtutphah tungtou hen.
Amah phatna Hosana chih,
A mangtutphah tungtou hen.

Hondampa N’on hehpih man a,
Tua khopi sung No'n piakleh;
Leitung in hon simmoh hang in,
Na min kia ka suang ding hi.

Leitung nopna mangthang tawntung;
A vangletna khempeuh toh.
A tawntung lungdamna taktak,
Zion tate kia'n nei hi.
A tawntung lungdamna taktak,
Zion tate kia'n nei hi.