Longkhawlna Nuam

Damsung tuipi tung ah khelhna puakgik toh,
Lungkham a kei ka vaihlaitak;
“Kei hong tel in” chi A aw nem ka zak ma’n,
“Longkhawlna nuam” ah ka lutta.

Ka kha a khawlta, long khawlna bitna ah,
Tuipi tung a vai nawnlou;
Tui tung ah huihpi bangteng a nun hang in,
Jesu ah kei ka bit den hi.

It a hon pom ding in kei ka kipia a,
Upna’n A thu lenkip den hi;
Ka kolbutte kia, ka kha’n tawlngakna mu,
Longkhawlna nuam ka Toupa hi.

Toupa’n kei hon damsak khit chiang’ ka kha in,
Tangthu lui hamphatna la’n sa;
Longkhawlna nuam A inn a deih khempeuhte
Damsak nuam Jesu’ tangthu hi.

A it leh nuamsa Johan bang eite zong,
A ang tang thei! Ngaihsut chiang’ nuam;
Jesu’ ang bitna mun khawlna ahi a,
Huihpi’n siatna tun theilou hi.

Hong in, honpa’n ngak theitak in hon ngak hi,
A hatna’n nang hon honkhia ding;
Hong in, na kha khawlsak’ longkhawlna nuam ah,
“Ka itpa kei’ a hi,” chi in.