Lauke’n, Zion Tanu, En In Na Kumpipa

Lauke’n, Zion tanu, en in na kumpipa,
Thunuailut in sabengtung nou tung a tuang in,
A hong ding chi a genkholhna thu a hong tungta,
Mipi a nung leh ma paite’n kikou zuazua.

Hosana, Hosana, Hosana chi’n kikou uh.
Hosana, Hosana, Hosana chi’n kikou uh.

I pa David gam hong tung ding a hampha hi,
Amah David’ tapa kiang ah Hosana chi’n,
Toupa min a hong pai hampha chi’n kikou uh,
Tungnungpen ah Hosana chi’n kikou uh hi.

Amah David’ tapa Toupa hondampa hi,
Na lungtang puante uh suahkhia unla phah un,
Thupina kumpi hong lut in chi in chial uh,
Amah toh si, thounawn vualzou tawntung ding in.