Ka Kipak, Pa Van A Om In Hon Hilh

Ka kipak, Pa van a om in hon hilh,
A hon piak laibu sung ah A itna;
Bible sung ah thillamdangte ka mu,
Hiai manpha penpen hi, Jesu'n hon it.

Jesu'n hon it ka kipak mahmah,
Jesu'n hon it, Jesu'n hon it,
Jesu'n hon it, ka kipak mahmah,
Kei nangawn A hon it.

Amah na ngilh in na vakmang leng zong,
A hon it lailai ka manna peuh ah;
A hon itna huangsung zuan ka tai a,
Jesu'n hon it chih ka theihkhiak lai in.

Aw, la khat lel sak theih ka neih aleh,
A kilawmna a mangpen ka muh chiang';
Hiai pen ka la ahi ding tangtawn in,
'Aw Jesu’n hon it a lamdang hi,' chih.

Jesu'n hon it, Amah ka it ka thei,
Ka kha liangvai tan di'n it man hong kum;
Hi, hon it man in sing ah hong si hi,
Aw, ka theichian hi, Jesu'n kei hon it.

Bangchi'n na thei a, chi'n n’on dot uleh,
Jesu thupi hen, ka thei mahmah hi;
Pathian' Kha Siang in kei hon theihpih hi,
Hon theihpih gige hi Jesu'n hon it.

Hiai kitheihchianna ah khawlna ka mu,
Jesu ah muang in, ka thei, hampha hi'ng;
Lungdong Setan in ka kha taisan tu'n,
Jesu’n hon it hi chih ka hilhlai in.