Ka Hinna Kon Pia Toupa

Ka hinna k’on pia, Toupa,
Nang a ding' sehtuam hi hen;
Ka hunte, nite k’on pia,
Phatna tawplou in luang hen.

Ka khutte k’on pia, Nang ding',
Nang itna'n nna semsak hen;
Ka khete k’on pia, Nang ding'
Kilawm leh zuanzang hi hen.

Ka aw k’on pia, la sa n’ing,
Ka Kumpipa kia a ding;
Ka muk k’on pia, dimsak in,
Nang apan a thu hoih in.

Ka sum leh paaite k’on pia,
Paisasan khat zong itke'ng;
Ka lungsim k’on pia, zang in,
A hatna Na deih bang in.

Ka deihtelna Nang k’on pia,
Kei a hi nawnlou ding hi'ng;
Ka lung k’on pia, Nang’ asa,
Na mangtutphah hi ding hi.

Ka itna k’on pia, Toupa,
Na khebul goubawm suah ing;
Ka pumpi'n k’on pia, vekpi'n,
Nang' a hi tawntung nuam ing.