Ka Damlai Nna Ka Zoh Chiang

Ka damlai nna ka zoh chiang' buaina chiaukuam galkai ni’ng,
Zing khovak eng singseng ka mu ding ahi;
Hon tanpa mel in thei ni’ng, A kiang ka tutkhawl chiang in,
A hehpihna ke’n leng zou in om sam ni’ng.

Mel in thei ni’ng, mel in thei ni’ng,
Hon tanpa ma a ka din chiang in;
Mel in thei ni’ng, mel in thei ni’ng,
A khut a sikkilhna mel mu ni’ng.

Tung thangvan mun ka tun chiang ka kha in nunnuam ding hi,
A duang kilawmnou lungdamhuai ka muh chiang';
Hon itna leh hon khasiatna phat in zaila sa ni’ng,
Thangvan a inn hon bawlsakpa Ahih ziak.

Aw lungtuak a tua lam a paite'n hon sam tungchiang ah,
Sihna lui a gibang ka kikhen lai un;
Eden thak inn nunnuam a hon na dawn mahle uh leng,
Hon gum Toupa tuah masak penpen ka ut.

Puan thupipen silh a van khopi nuam ka tun chiang in,
Khitui nul nawnlouhna mun ah hon pi dia;
Kumsawt nunnop zaila sa in om ding himah lehang,
Hon gum Toupa tuah masak penpen ka ut.