Jesu A Lawm Hoih I Neih Dan

Jesu a lawm hoih i neihdan,
I gitlouh, dahna po ding;
Hamphathuai mahmah i hilh theih,
Bangteng Pathian kiang thuumna'n;
Aw, lungmuanna tam i na taan,
Aw, nat thuaklouh ding i thuak;
Amah i hilhlouh vang hi e,
Bangteng Pathian kiang' thuumna'n.

Ze-et leh khem in i om hiam,
Buaina koipeuh a om hiam?
Lunglel ngeilou in om ni e,
Bangteng Toupa' kiang thuumna'n;
Tua bang lawm muanhuai i mu diam,
I lungkham hon thuakpih ding;
I hatlouhna Jesu’n thei vek,
Bangteng Toupa kiang' thuumna'n.

Hatlou leh gik pua'n i om hiam,
Damsung khosak ngaihtuahna'n?
Hondampa hoih i bitna hi,
Bangteng Toupa kiang' thuumna'n;
Simmoh leh ngilh in na om hiam?
Toupa kiang thuumna'n gen in;
A angsung ah A hon pom ding,
Lungmuanna tua'h na mu ding.