I Thil Hoih Muh Bang Uh

I thil hoih muh bang uh,
Kuama’n a mu theilou;
I Pa’ gam thil ahi,
Awiloute'n mu theilou;
Hon khenlou ding thil bangmah in,
I Pa' hon itna a kipan.

A saandan tun vuallouh,
A thukdan teh vuallouh;
Hon itna thupidan,
A man kua sim vuallouh;
Tung thangvan a Seraf-te aw,
A thupidan hon hilh ve ua.

Lei a manlaitak hi,
A nunnopna teng toh;
A thilbawltheihnate,
A thupina teng toh;
Leitung nopna bei pahpah e,
Ka Toupa mah hoih ka sapen.

Leitung sum-le-pai leh,
A thupina teng zong;
A pak lunlaite leh,
I muh theih zousiah teng;
Ka Toupa zaw hoih penpen e,
Linglukhu khusak mahle uh.