I Kim I Vel Ah Buh Lak Ding

I kim i vel ah buh lak ding tampi min hi,
Amau va at ding in kuan in;
Toupa'n hon panpih ding na hatna' kinga ke’n,
Toupa' hatna ah kinga zaw in.
Na chi tuh a pou ding,
Toupa'n hon panpih ding;
Na khantawn mun na tut theihna di'n,
Na hatlai in sem in, Toupa' hatna muang in.

Na seplouh man in tampi mangthanggawpta hi,
Toupa’ itte mangmang mawk uh;
Va panpih di'n na kuankei dia hiam,
Panpih ngai mahmah uh, a manthat vek ma un.
Kuan meng in, va sem in,
A ni uh tum man ding;
Laukha simseng louh mangthang dingte,
Na itkei hial a hiam, khat beek hon pi tanla.

Dakkhia in, envel dih, tatna thei nailoute,
Toupa'n a tatlam theikei uh;
Lungmuang in tulai uh, pikhia ding in kuamah
Omlou hi, hondampa theilou uh;
Amau va pi ding in,
Toupa'n nang hon deih hi;
Chik chiang' Jesu mai a kun ding ua,
Hon tanpa chih thei a, A maanna min phat in.