Ka Pa Uh Van Thupi A Om

Ka Pa uh van thupi a om,
Na min phat in om tawntung hen;
Zin tengkhawi pan salbang suah dia
Hehpih a N’ong kankhiak ziak in,
Toupa Na kiang kipahthu k'on hilh.

Thilhoih tanchin kipahhuai,
Tunte khe a kilawm;
N’on hotdamtak ziak in Toupa,
Na kiang kipahthu kon hilh.

Na hon it vang a ittute,
Tuipi gal gam vangla apan;
Tangthupha meivak hon tawi a,
Hinna lam hong hilhte ziak in,
Toupa Na kiang kipahthu kon hilh.

Kei bang a saltang, khate dia,
Pawtna Jubili dak khen di’n;
Mittawte mit hihvak ding a,
Kha Siangthou N’on piaktak ziak in;
Toupa Na kiang kipahthu k’on hilh.

Jerusalem leh Judia gam,
Samari leh kawlmong pha in;
Nang dia theihpihtu hi ding a,
Na ompihna N’on chiam ziak in;
Toupa Na kiang kipahthu k’on hilh.