Sihna Mial Nuai A Tu

Sihna mial nuai a tu in, mi sang tampi mangthang uh,
Hotdamna, aw hotdamna neilou in;
Hinna lampi mansuah in singbul-suangbul a bia uh,
Eimah bang a tatsate hi uh.

Hotdamna (hotdamna),
Tangthupha (tangthupha),
Gamchih a puangzak ding in (Halleluiah),
Toupa'n tu in hong sam hi, hong sam hi, hong sam gige,
Hotdamna huang ah hon pilut in.

Toupa’n nang hon it man in, sih tanpha in hong thuak hi,
Na khelh man leibat hon ditsak zouta;
Aw unau kingaihsun in na leibat na ditke’n zaw,
Toupa kiang ah bang na gen ding hiam.

Amaute pikhia ding in unau na muang om ding maw,
Hun a tomta lenmual a khum zel hi,
Gammial a Toupa’ itte laukha tampi mangthang uh,
Amaute pikhia ding omlou uh.

Toupa kei hiai ah ka om, Na itte honkhia ding in,
Na deih bangtak a N’on zat ka ut hi,
Nang a ding in ka hing dia, Nang a ding in ka si dia,
Ka theihna ka pum in hon zang in.