Hiai Khovel Ah Hi Sualgal

Hiai khovel ah hi sualgal a hong lian a,
Van Jerusalem zuan a ka pailai in,
Ka sung a muanna Kha hong kiliin chiang in,
Toupa aw, Nang hong makaih, Na Kha’n hong ompih in.

Hong leen in sualna zanmial ah,
Hong pi in tuipi lian tung ah;
Nisim in sual galdouna haksa in lauhuai zong,
Zohna toh Nang hong ompih in aw.

Zing ninou leh zingsang daitui bang kia a,
Silpak leh louhingte nun Na bawlthak zel,
Aw Na mite nunna pahna om nawnlou,
Pahna daitui in Na Kha toh hong ompih in.

Aw ka Zogam lei uh mohna’n dim zouta,
Khelhnate hong lian a nisim in hon tuam;
Leitung nopsakna sung ah kibualta ung,
Toupa aw Nang hong ngilh ung, ngaihdamna hong pia in.