Khatvei Khelhna Kolbun In Ka Tang

Khatvei khelhna kolbun in ka tang a,
Suahtak tum mahle’ng suakta zoulou;
Tu in suahtakna thupi ka neita,
Jesu’n ka kolbutte tansakta.

Suahtakna thupi, suahtakna lamdang,
Khelhna kolbun a thuumthuum nawnlou;
Hong suaktasakpa thupi Jesu hi,
Amah tangtawn in kei’ a hi ding.

Enna, huatna, kisiat leh kinakna,
Kiletsakna leh ki-otsakna;
Khovel thil deih ka hin nuamlousak teng,
Sa ut leh deih pan a suahtakna.

Kisaktheihna leh khelh nopsakna pan,
Sum-le-pai hauhna deihtakna pan,
Heh leh lungsim sia pan a suahtakna,
Suahtakna thupi, nopna thupi.

Launa, thawmhauna pan a suahtakna,
Mangbat lungzinna pan suahtakna;
Tanpa nuamsa Khrist ah suahtakna om,
Amah hi ka kolbut teng sutpa.