Ka Toupa Hon Itna Lamdang Lua Sa'ng

Ka Toupa hon itna lamdang lua sa'ng,
Mikhial kei hon itna thuk in sang hi;
Khelh vang a si ding kei hon it man in;
Sing khros tung ah sihna hial kei di'n hong teel.

Mellawm lou tua khros ah kikilhdenpa,
Aw kei di'n sakmel etlawmpen ahi;
Gim gentheih zatam thuak in N'ong lei maw!
Tangtawn hinna neita'ng Jesu, Nang vang in.

Engbawlna linglukhu hon khusak uh,
Mihingte nuihsan leh pampaih in om;
Tua bang teng Na thuak zong sulhei loulai;
Kei vang in maw Toupa hiai bangteng N'ong thuak.

Kalvari taanglam manoh in A pai,
A khros puak giksa in tawl in A puk;
Bah leh chau in aw kei di’n A pai zel;
A thuakgimna kei di'n lungmuanna ahi.

Khros tung ah enghouna chiteng Na thuak,
Simmoh leh bawlgentheih in Na om a;
Na taksa pan sisan hong luangkhia hi;
Tua sisan luangte'n ka khelhna sawpsiangta.

Halleluiah Toupa hon phat ni’ng e!
Kei dia hinna lampi N'ong bawlsak vang'n
Ka moh N'ong maisakta ka bat teng zong,
Tu’n kei suakta hita'ng, Jesu Nang vang in.